Muambi 5:10 - MUKANDA WA MYIDI MUKULU

¹⁰ Padi muntu ne biuma bivule, bantu bavule badi babidia. Biuma nebilengelele muenabi ku tshinyi? Bushuwa udi mua kubitangila ne mesu, kadi tshikuabu tshidiye upeta ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Wananga biuma kena usankishibua ku biuma; wananga bubanji kena ukuta bubanji; ebu mbualu bua hatuhu kabidi.

Muambi 5:10 교차 참조

Misambu 52:1

Musambu wa mu mukanda wa mulombodi wa bena misambu. Kasala ka mu mukanda wa misambu ya Davide.

Misambu 52:7

Nenku Mvidi Mukulu neakubutule kashidi, neakukuate, akuipate kuebe, neakumbushe pa buloba patudi apa,

Misambu 62:10

Bantu badi bu lupepele, bantu tshiabu ndishima. Bobu babande pa tshipimu bonsu pamue, kabena ne bujitu.

Muambi 1:17

Mvua nkeba mua kujingulula mudi malu mashilangane ne butatakane, mudi lungenyi lushilangane ne bupote. Kadi meme kumona ne: bionsu bindi ngenza bidi amu bu kuipatangana ne lupepele.

Muambi 1:8

Mesu kaena apungila mua kumona, matshi kaena apungila mua kumvua. Muntu kena mua kumvuija mudi bia panu bionsu bitonda.

Muambi 2:10

Bionsu bimvua njinga mvua amu mbipeta. Tshivua mupange disanka nansha dimue. Eyowa, mvua mupete bintu bivule ku midimu yonsu imvua mukuate. Midimu yonsu imvua muenze ivua amu minsankishe.

Muambi 2:11

Kadi diba adi mvua mutangile midimu yanyi yonsu ne ntatu imvua mupete pa kuyikuata. Nanku meme kumona ne: bionsu bidi patupu, bidi amu bu kuipatangana tshianana ne lupepele. Kakuena bua nsongu budi bantu bapeta panu to.

Muambi 2:26

Nanku Mvidi Mukulu udi upesha muntu udi mumutokela ku muoyi, meji, dimanya ne disanka. Kadi muntu udi umubipila udi umupesha mudimu wa kukungijila udi mumutokela ku muoyi mpetu. Kadi ebi kabidi bidi amu tshianana, bu kuipatangana ne lupepele.

Muambi 3:19

Bualu ndekelu wa muntu udi amu wa momumue ne wa nyama. Mudi muntu ne mueyelu, nyama udi nawu. Bionsu bibidi bidi ne bua kufua momumue. Muntu kena mupite nyama ku tshintu nansha tshimue to, bualu ku ndekelu bionsu bidi tshianana.

Muambi 4:16

Bantu ba bungi badi bamulonda. Kadi yeye mumane kufua bantu kabakumuela kabidi tuasakidila bua bivuaye muenze nansha. Nanku ebi bionsu kabidi, bidi amu tshianana, bidi bu kuipatangana ne lupepele.

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Muambi 5:9

Muntu udi munange biuma, katshia kena muanyishe bidiye mumane kupeta to. Udi musue kunema, kakupeta bionsu bidiye ujinga to. Ebi kabidi kabiena ne bua nsongu nansha.

Muambi 6:7

Muntu udi wenza mudimu nangananga bua amone mua kudia kuukuta. Kadi nzala udi amu uyipeta.

Matayi 6:19

— Kanukungujidi bubanji buenu pa buloba to, padi misanda ne dimona mua kubunyanga, kabidi padi bivi mua kushipa biibi, kuiba.

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

1 Timote 6:10

Bualu lukuka lua biuma mmuji wa malu mabi a mishindu yonsu. Banga bantu badi ne lukuka alu, mbapambuke mu njila wa ditaba, mbadikebele makenga mavule.