Muambi 5:1 - MUKANDA WA MYIDI MUKULU

¹ Kuambi bualu, kuyi muanji kuela meji. Kulayi Mvidi Mukulu malaya ebe lukasa lukasa. Mvidi Mukulu udi mu diulu, wewe udi pa buloba. Nanku miaku iudi wamba ikale mikese.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ulame makasa ebe hawabuela mu nsubu wa Nzambi; kusemena ha buihi bua kunvua kudi kuhita milambu ya bahote buakane, bualu bua bobo kabena bamanye ne, Tudi tuenza bualu bubi.

Muambi 5:1 교차 참조

2 Kulondolola 26:16

Kadi, lumu luende luvua lumupeshe ditambisha dia bungi. Ditambisha edi kumufikisha ku kabutu. Kavua kabidi muitabe Mvidi Mukulu wende to. Dituku dikuabu, Uziya kubuela mu nzubu wa Mvidi Mukulu, bua kulambula musenga wa kamonya pa tshilambuilu tshia manananshi.

Yobe 11:2

Muntu udi mua kuandamuna ku miaku ya patupu, idi muntu awu wakula amu kuakula anyi? Muntu udi mua kubinga bua bungi bua miaku idiye wamba anyi?

Yobe 22:12

Udi mumanye mudi Mvidi Mukulu mu diulu muamua, mudiye mumone mitotu, nansha yoyi minangapale mulu mule.

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Ekesode 3:5

Mvidi Mukulu kumuambila ne: — Kusemenyi pabuipi to. Kopola bisabata biebe, bualu udi muimane muaba wa tshijila.

Ekesode 30:18

— Wenze dilongu dia tshiamu tshikunze. Uteke dilongu adi pa tshitaku tshiadi tshia tshiamu tshikunze pankatshi pa tshilambuilu ne ntenta wa kusambakena. Pashishe, welamu mayi.

Nsumuinu 10:19

Muntu udi wakula malu mavule, udi utupakana bikole. Kadi muntu wa meji udi mumanye mua kulama ludimi luende.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 21:27

Bantu babi badi balambula milambu mibi, nangananga padibu bayilambula ne meji mabi.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Bienzedi 10:33

Ke meme kukubikidisha diakamue. Wewe pebe udi muenze bimpe, bu muudi mufike. Mpindiewu tudi bonsu kumpala kua Mvidi Mukulu, bua kumvua tshidi Mfumu mukuambile bua kutumanyisha.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

1 Korente 11:22

Kanuena mua kudila ne kunuina ku mbanza yenu anyi? Nudi nupetula Tshisumbu tshia bena ditaba bua tshinyi? Nudi nuluisha badi bianza bitupu bundu bua tshinyi? Nudi basue nmuambile tshinyi? Bua nnuele kalumbandi anyi? Nansha kakese! Tshiena mua kunuela kalumbandi bua malu a nanku nansha!

Ebrewu 10:26

Bualu tuetu tukadi bamane kumanya bulelela. Nanku patudi tutungunuka ku bukole ku dienza malu mabi, kakuena mulambu mukuabu udi mua kujimija mibi.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Yoshua 5:15

Mfumu wa tshikulu tshia Maweja-Nangila kumuandamuna ne: — Kopola bisabata biebe ku makasa, bualu udi muimane muaba wa tshijila. Ke Yoshuwa kuitaba.