Muambi 4:8 - MUKANDA WA MYIDI MUKULU

⁸ ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Mukanda wa Nzambi Dihungila Dikulukulu ne Dihungila Dihia-dihia 2003

⁸ mukuabo udiku udi nkayandi kayi ne muntu, nansha muana wa balume nansha muanʼabo wa balume, kadi nshikidilu wa mudimu wandi kenaku; mesu andi kaena manze kutshina ne bubanji. Hashishe, udi udikonka munda ne, Ndi ngenzela nganyi mudimu? Ndi ndikandika masanka bua tshinyi? Ebu mbualu bua hatuhu ne mudimu wa lutatu.

Muambi 4:8 교차 참조

Genese 2:18

Maweja-Nangila Mvidi Mukulu kuamba ne: “Ki mbimpe bua mulume ikale nkayende nansha. Ndi musue kumuenzela mukuende wa bu yeye udi mua kumuambuluisha.”

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Misambu 39:7

Muntu udi utua eku, utua kuaka: bidi amu bu tshilota. Udi uditatshisha, kayi upeta tshintu. Kadi nansha yeye mupete biuma, kena mumanye wabiangata.

Nsumuinu 27:20

Mudi dijimba dia bafue dimina bantu, ke mudi muntu ujinga amu kujinga kabiyi bijika.

Muambi 1:13

Meme kukenketa ne muoyi wanyi mujima, malu adi enza mu bantu, bua mmone mua kuajingulula. Kadi ebi bidi amu mudimu wa lutatu udi Mvidi Mukulu wenzeja bantu!

Muambi 1:8

Mesu kaena apungila mua kumona, matshi kaena apungila mua kumvua. Muntu kena mua kumvuija mudi bia panu bionsu bitonda.

Muambi 2:21

Muntu udi ukuata mudimu ne meji, kabidi ne lungenyi, upeta tshipeta tshimpe, kadi tudi tumumona ushiya bintu biende abi kudi uvua kayi mubienzele mudimu bua kubipeta. Ebi kabiena biumvuika to, kabiena bimpe nansha.

Muambi 2:23

Midimu yende idi imupetesha amu dikenga ne kanyinganyinga buatshia buatshia. Nansha butuku, lungenyi luende kaluena ne dikisha to. Bushuwa, ebi bionsu kabiena biumvuika nansha!

Muambi 4:7

Meme kumona kabidi bualu bukuabu panu, budi kabuyi bumvuika to:

Muambi 5:10

Padi muntu ne biuma bivule, bantu bavule badi babidia. Biuma nebilengelele muenabi ku tshinyi? Bushuwa udi mua kubitangila ne mesu, kadi tshikuabu tshidiye upeta ntshinyi?

Muambi 5:9

Muntu udi munange biuma, katshia kena muanyishe bidiye mumane kupeta to. Udi musue kunema, kakupeta bionsu bidiye ujinga to. Ebi kabidi kabiena ne bua nsongu nansha.

Yeshaya 5:8

Bantu bonsu badi basakidila nzubu ku mikuabu, balamika madimi ku makuabu, mbena diakabi. Ku kakese ku kakese nebangate miaba yonsu. Nebashale bobu nkayabu mu ditunga!

Yeshaya 55:2

Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

1 Yone 2:16

Bualu malu a panu ke majinga mabi a buntu buetu, lukuka lua bitudi tumona, kuditemba bua bitudi nabi. Malu onsu aa kaena afuma kudi Tatu, kadi kudi bukua panu.