Muambi 3:8 - MUKANDA WA MYIDI MUKULU

⁸ Kudi tshikondu tshia kunanga ne tshikondu tshia kukina; tshikondu tshia mvita ne tshia ditalala.

Mukanda wa Nzambi Dihungila Dikulukulu ne Dihungila Dihia-dihia 2003

⁸ tshikondo tshia kunanga ne tshikondo tshia kukuta; tshikondo tshia kuluangana nvita ne tshikondo tshia kushikama talalâ.

Muambi 3:8 교차 참조

1 Bakalenga 5:4

Nanku, mukalenga Shelomu uvua ukokesha buloba bujima, bua kuinshi kua musulu wa Perate, luseke ludi diba dibuelela, biangatshile ku musoku wa Tifsa ne ku tshimenga tshia Ngaza. Bakalenga bonsu bavua mu buloba ebu, bavua anu ku bumfumu bua Shelomu. Ke muvua Shelomu musombe talala ne bena mutumba nende bonsu nanku.

2 Bakalenga 9:22

Anu Yorame usambakena ne Yehu, kumukonkaye ne: — Yehu, malu kaayi? Yehu kuandamuna ne: — Udi unkonka nanku bua tshinyi? Udi mumanye bimpe ne: mamuebe Yezabele utshidi utendelela mvidie ya dishima, kabidi utshidi wenza majimbu…

2 Kulondolola 19:2

Muambi Yeku, muana wa Anani, kufika bua kumuakidila, umukonka ne: — Uvua muambuluishe muntu muenzayi bua tshinyi? Bantu badi babenga Maweja-Nangila, tuetu tudi mua kubananga anyi? Maweja-Nangila mmukufikile munda bua bualu buudi muenze ebu!

Misambu 101:3

Tshiena mua kuteka tshintu tshibi ku mesu kuanyi. Ndi mubenge nsombelu wa bantu babi, kena mua kundamata.

Misambu 105:25

Kukudimunaye meji a bena Ejipitu, kubangabu kukina bantu bende, kukeba mua kubadinga.

Misambu 139:21

Maweja-Nangila, ndi mbenga bonsu badi bakubenga. Ndi nkina bonsu badi bakukina.

Nsumuinu 13:5

Muntu muakane udi ubenga dishima. Muntu mubi udi upepeja bakuabu, ubajana.

Yezekiyele 16:8

Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Luke 14:26

— Muntu udi undonda, udi ne bua kunnanga meme bipite tatuende, mamuende, mukajende, bana bende, bana babu ba balume nansha ba bakaji, nansha bipite mene mudiye mudinange. Yeye kayi wenza nanku, kena mua kuikala mulongi wanyi to.

Efeze 3:19

Bushuwa, muntu nansha umue kena mua kujingulula dinanga didi Kristu utunanga nadi mu bujima buadi. Kadi ndi njinga bua numanye dinanga adi, bua bukole bua Mvidi Mukulu buwule tente munda muenu.

Efeze 5:25

Balume, nangayi bakaji benu, muvua Kristu munange Tshisumbu tshia bena ditaba, mudifile bualu buatshi.

Tite 2:4

Baleje bansongakaji batshidi babuelelaku mu dibaka, mudibu mua kunanga babayabu, kunanga kabidi ne bana badibu balele.

Yoshua 11:23

Yoshuwa kukuata ditunga dijima mu mvita, muvua Maweja-Nangila muambile Moshe. Yoshuwa kuabanyina bena Izrayele ditunga adi, bilondeshile bisamba biabu. Ke bena Izrayele kuanji kuikisha bua dipungi dia mvita.

Didimanyisha 2:2

Ndi mumanye bionsu biudi muenze. Ndi mumanye muuvua mukuate mudimu bikole, mulame kabidi lutuulu. Ndi mumanye muudi ubenga benji ba malu mabi. Uvua mutete bavua badiamba ne: tudi bapostolu, pabu kabayi bapostolu. Wewe kujandula mudibu bena dishima.