Muambi 3:7 - MUKANDA WA MYIDI MUKULU

⁷ tshikondu tshia kupanda bilamba, ne tshikondu tshia kubitela. Kudi tshikondu tshia kupuwa, ne tshikondu tshia kuakula.

Mukanda wa Nzambi Dihungila Dikulukulu ne Dihungila Dihia-dihia 2003

⁷ tshikondo tshia kubanda ne tshikondo tshia kutela; tshikondo tshia kuhuwa ne tshikondo tshia kuakula;

Muambi 3:7 교차 참조

Genese 37:29

Rubene uya kutangila mu tshiina, kena musangane Yozefe to. Kupampakanaye bikole, kupanda bilamba biende.

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

Genese 44:18

Yuda kusemena pabuipi ne Yozefe, kumuambila ne: — Mukalenga, ndi musue kukuambila bualu. Kumfikidi munda to. Wewe udi mulongu umue ne mukalenga wa bena Ejipitu.

Genese 44:34

Meme tshiyi ne muana ewu, tshiena mua kupingana kudi tatu to. Tshiena mua kukengesha tatu bikole nanku to.

2 Samuele 1:11

Davide ne bantu bonsu bavua pabuipi nende, kudipandabu bilamba.

2 Samuele 3:31

Davide kutumina Yowabe ne bantu bende bonsu diyi ne: — Pandayi bilamba bienu, vualayi bilamba bikayabala, nuikale ne madilu a Abnere. Bantu bonsu bavua balonda tshitalu tshia Abnere, ne mukalenga Davide kabidi.

1 Bakalenga 21:27

Mukalenga Akabe umvua malu onsu avua Maweja-Nangila mumuambile mukana mua muambi, kunyingalalaye bikole. Kupandaye bilamba biende. Kuvualaye anu tshilamba tshikayabale nkayatshi pambidi. Kujilaye biakudia. Uvua anu ne tshilamba atshi tshikayabale too ne pa kulala. Uvua wenda anu bitekete.

2 Bakalenga 18:36

Bantu bonsu bavua muaba awu, bavua anu bapuwa. Kabavua bandamuna to, bualu ke muvua mukalenga Izkiya mumane kubambila.

2 Bakalenga 5:7

Anu mukalenga wa bena Izrayele ubala mukanda awu, kudipandaye bilamba, wela mbila ne: — Meme ndi Mvidi Mukulu udi ne bukole bua kufululula bantu, nansha kubashipa anyi? Mukalenga wa bena Siriya, udi untumina muntu bua meme kumondapa disama dia nsudi! Monayi mudi mukalenga ewu umbunda!

2 Bakalenga 6:30

Mukalenga wa bena Izrayele umvua anu mukaji umulondela bualu abu, kudipanda bilamba. Mukalenga utshivua pa tshimana tshia tshimenga. Nanku bantu bonsu ba mu tshimenga atshi kumonabu ne: mukalenga udi muvuale anu tshilamba tshia munda tshikayabale nkayatshi, tshimulamate pambidi.

Estere 7:4

Bena tshisamba tshianyi ne meme bavua batusumbishe bua batubutule, batushipe, kamuyi luse. Bu bobu batupane, bua kushala bapika tshianana, mvua mua kupuwa, tshivua mua kukusuya bua kukuambila bualu bua nenku to.

Yobe 2:13

Pashishe, kusombabu pamue ne Yobe matuku muanda mutekete, a munya ne a butuku, kabayi bayukila nende, bualu bavua bamone ne dikenga diende ndipite bunene.

Misambu 39:2

Mvua muambe ne: “Nendikandile bua kuakula bibi, tshiena mua kuamba bualu budi mua kumpisha. Pandi munkatshi mua bantu babi, nempuwe bu muntu musuike tshilamba ku mishiku.”

Muambi 3:6

Kudi tshikondu tshia kukeba, ne tshikondu tshia kujimija; tshikondu tshia kulama ne tshia kuimansha,

Yeshaya 36:21

Bantu bonsu bavua muaba awu kushalabu amu bapuwa, nansha wa kuandamuna diyi, bualu ke muvua mukalenga Izkiya mumane kubambila.

Yirmeya 36:24

Mukalenga ne balombodi bende bonsu ba bena mvita bavua bajingulula bimpe malu avuabu bafunde pa muvungu wa tshiseba. Kadi kabavua ne bowa nansha ne dibungama.

Yirmeya 8:14

Tudi basombe muaba ewu bua tshinyi? Tudisangishayi lukasa, tuyayi mu bimenga bivuabu bakolesha ne bimana, tuyayi bua kuindilamu lufu. Eyowa, Maweja-Nangila Mvidi Mukulu wetu, mmumane kutufundila lufu, bua tuetu kunua mayi mabi adi ne lulengu, bualu tudi batombokele Maweja-Nangila.

Muadi 3:28

Padi Maweja-Nangila umutumina dikenga, asombe pa nkayende mupuwe talalaa.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Amosa 5:13

Tshikondu etshi ntshibi. Ke padi muntu mudimuke upuwa vii.

Amosa 8:3

Meme Maweja-Nangila, ndi njadika ne: dituku dindi mbanyoka, bakaji bimbi ba mu nzubu wa bukalenga, nebadile, bela tusala tua madilu. Bitalu nebikale miaba yonsu, kakuyi udi ubijika. Mu ditunga dijima mudi amu vii vii vii!

Mika 7:5

Kanuitabi bena mutumba benu, kanutekemenyi balunda benu. Nudimuke panudi nuakula, nansha ku mesu kua mukajenu, udi ununanga.

Bienzedi 4:20

Kadi tuetu katuena mua kubenga kuamba, tshitudi bamone, kabidi bumvue to.

Bienzedi 9:39

Petro kuya ne bantu babidi aba diakamue. Ufika, kumubandishabu ku tshibambalu tshia kulu. Bakamba bonsu kumujingila ne miadi, bamuleja bilamba bia pambidi ne binkutu bivua Dorkase mutele, patshivuaye ne muoyi.

1 Samuele 10:16

Shawule kumuambila ne: — Wakutumanyisha ne: nyama yenu ya mpunde mmimane kumueneka. Kadi Shawule kena muambile mansebende malu avua Samuwele mumuambile bua bukalenga to.