Muambi 3:6 - MUKANDA WA MYIDI MUKULU

⁶ Kudi tshikondu tshia kukeba, ne tshikondu tshia kujimija; tshikondu tshia kulama ne tshia kuimansha,

Mukanda wa Nzambi Dihungila Dikulukulu ne Dihungila Dihia-dihia 2003

⁶ tshikondo tshia kukeba ne tshikondo tshia kujimisha; tshikondo tshia kulama ne tshikondo tshia kuimasha;

Muambi 3:6 교차 참조

Genese 31:18

Kuangataye bimuna biende ne bintu biende bionsu bivuaye mupete mu tshitupa tshia Mezopotamiya tshia ku mutu kua misulu. Kupinganaye mu ditunga dia Kenaane, muaba uvua tatuende Izake musombe.

2 Bakalenga 5:26

Muambi Elisha kumukonka kabidi ne: — Kuena mumanye ne: mu lungenyi luanyi mvua mumone muntu utuluka mu ditempu lukasa bua kusambakena nebe anyi? Tshikondu katshiena tshikumbane bua wewe kuangata bilamba bimpe, ne nkanu mitoke ya mushinga mukole bua kusumba nayi mitshi ya olive, madimi a mvinyo, bimuna binene ne bikese, nansha bena mudimu balume ne bakaji.

2 Bakalenga 7:15

Bena mvita ba bena Izrayele, kulondakaja bena mvita ba bena Siriya too ne ku musulu wa Yardene. Mu njila muonsu amu, bena mvita ba bena Izrayele kusangana bilamba bia bungi ne bintu bikuabu bivua bena Siriya benda bimansha, bua kumona mua kunyema lukasa. Nanku bantu bavuabu batume, kupingana bua kumanyisha mukalenga wa bena Izrayele bionsu abi.

2 Bakalenga 8:9

Azayele kuya kumonangana ne muambi Elisha. Uvua mutuadile muambi bintu bimpe bia disanka bia mu Damase, biambula kudi nyama ya tumelu makumi anayi. Azayele ufika kudi muambi Elisha, kumuambila ne: — Muena mudimu webe Benadade, mukalenga wa bena Siriya ke udi muntume ewu. Uvua mungambile bua kukukonka bua disama diende ne didi mua kujika?

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Muambi 11:1

Ela biudi nabi mu mayi manene. Bumue dituku dikuabu neubipete tshiakabidi.

Muambi 3:5

Kudi tshikondu tshia kuela mabue, ne tshikondu tshia kuakungija. Kudi tshikondu tshia kupukilangana, ne tshikondu tshia kubenga kupukilangana.

Muambi 3:7

tshikondu tshia kupanda bilamba, ne tshikondu tshia kubitela. Kudi tshikondu tshia kupuwa, ne tshikondu tshia kuakula.

Yeshaya 2:20

Dituku adi, mpingu ya tshiamu tshitoke ne tshia mpawungi, ivua bantu basonge bua kuyitendelela, nebayelele mpuku ne tupulukusu.

Yona 1:5

Nanku, bitshi ba buatu kukuatshika bowa bukole. Muntu yonsu uvua ulomba wende nwidie, wela mbila, bua tshipepele tshibutame. Pashishe kuimanshabu bintu bionsu bivua mu buatu mu mayi manene, bua buatu bupepele. Kadi Yona uvua anu mulale tulu tukole mu bibeya bia muinshi mua buatu.

Matayi 19:29

Kabidi muntu yonsu udi ushiya mu dina dianyi nzubu yende, bana babu ba balume ne ba bakaji, tatuende, mamuende, bana badiye mulele, nansha madimi ende, neapete bipite misangu lukama. Neapete kabidi muoyi wa kashidi.

Bienzedi 27:19

Dituku divua dilonda, bendeshi kudielela ne biamu mene bia majuwa mu mayi.

Bienzedi 27:38

Bantu bamane kudia kuukuta, kuimanshabu ntete mikuabu mu mayi, bua majuwa apepele.