Muambi 3:2 - MUKANDA WA MYIDI MUKULU

² Kudi tshikondu tshidibu bakulela, ne tshikondu tshia kufua, tshikondu tshia kukuna biakudia ne tshikondu tshia kubipola.

Mukanda wa Nzambi Dihungila Dikulukulu ne Dihungila Dihia-dihia 2003

² tshikondo tshia kuledibua ne tshikondo tshia kufua; tshikondo tshia kukuna bintu ne tshikondo tshia kubihuola;

Muambi 3:2 교차 참조

Genese 17:21

Kadi nentue ndondu ne Izake, muana walelabu kudi mukajebe Sara tshidimu tshidi kumpala etshi.

Genese 47:29

Yakobe umvua ne: diba dia lufu diakumbanyi, kubikilaye muanende Yozefe, umuambila ne: — Pawikala munnange, kunjiki mu Ejipitu nansha. Kuata muinshi mua tshibelu tshianyi, uditshipe bua kundeja muudi munnange ne mundamate.

1 Bakalenga 13:2

Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

2 Bakalenga 4:16

Elisha kumuambila ne: — Tshidimu tshidi kumpala etshi, anu tshikondu etshi, neukongoloje muana wa balume mu maboku. Kadi, mukaji kuela diyi ne: — Kundingi to! Wewe udi muambi wa Mvidi Mukulu, lekela kungambila bualu bua dishima!

Yobe 14:14

Kadi muntu mumana kufua, udi mua kubika tshiakabidi anyi? Uvua amu mua kuikala ne lutulu mu matuku atshidiye ukuata mudimu panu, utekemena too ne paudi ufika, bua kunjula.

Yobe 14:5

Amu wewe ke udi mujadike bungi bua matuku, ne bungi bua ngondu bidi muntu mua kulala panu. Muntu kena mua kusakidila dituku nansha dimue.

Yobe 7:1

Bantu badi ne lutatu lukole pa buloba, badi benza mudimu bu bapika.

Misambu 113:9

Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Misambu 52:5

Udi munange malu mabi, mubenge mimpe. Udi musue dishima, uyila malu malelela.

Nsumuinu 24:27

Bangabanga ne kuasa nzubu, anji kujikija midimu yebe ya pambelu, udime madimi ebe bua unowe biakudia.

Yeshaya 28:24

Kanuena banji kumanya ne: Tshidima udi musue kumiamina ntete, udi upitshishila diba diende dijima, amu ku dibundulula budimi, ku diela mabula, ne ku dilandakaja anyi? Nansha kakese!

Yeshaya 38:1

Tshikondu atshi, mukalenga Izkiya kupeta disama dia lufu. Muambi Yeshaya, muana wa Amose kufika kudiye bua kumusamba. Kumumanyishaye miaku ivua Maweja-Nangila muambe ne: “Diba diebe ndimane kukumbana. Udilongolole, bualu kuena upanda ku disama edi. Neufue.”

Yeshaya 38:5

kuambila Izkiya ne: “Maweja-Nangila Mvidi Mukulu wa nkambua webe Davide udi wamba ne: — Ndi mumvue ditendelela diebe. Ndi mumone binsonji biebe. Nanku, neushale kabidi ne muoyi bidimu dikumi ne bitanu.

Yeshaya 54:1

Wewe Yerushalayime, ukavua bu mukaji uvua kayi ne bana. Ela mbila mikole ya disanka. Wewe uvua kuyi ulela kabidi bana ba balume, Sankaku amu kusanka. Bualu Maweja-Nangila udi wamba ne: “Wewe mukaji mudiombola, udi ne bana ba bungi mpindiewu, bapite ba mukaji udibu banange kudi bayende.”

Yirmeya 1:10

Tangila, lelu ndi nkupa mudimu wa kuenza munkatshi mua bisamba ne makalenga, wa kujuula ne miji, ne wa kushimbula, wa kubutula, ne wa kunyangakaja, kadi kabidi wa kuasulula ne kukuna.

Yirmeya 45:4

Nanku Maweja-Nangila mmungambile bua kukumanyisha ne: “Ndi nshimbula tshimvua muibake, ndi njuula tshimvua mukune. Ndi mbondakaja ditunga dijima.

Matayi 13:41

Muana wa muntu neatume batumibue bende, bua bumushe mu Bukalenga buende bantu bonsu badi babipisha bakuabu, ne benji bonsu ba malu mabi.

Matayi 15:13

Yezu kuandamuna ne: — Mutshi onsu udi Tatu wanyi udi mu diulu kayi mukune, nebawujule ne miji yawu.

Luke 1:13

Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

Luke 1:20

Nanku neushale kamama, kuyi wakula, too ne pakumbana malu aa. Bualu kuena muitabe bimvua mukuambile. Kadi miaku yanyi eyi neikumbane pa tshikondu tshiayi.

Luke 1:36

Muanenu Elisabete, nansha mudiye tshikunda, udi pende ne difu dia muana wa balume. Dikadi mpindiewu dia ngondu isambombu. Eku bavua bamuamba ne: kena mua kulela.

Yowanane 16:21

Padi mukaji wamba kulela, udi ne dibungama, bualu tshikondu tshiende tshia dikenga ntshifike. Kadi padiye ulela muana, kena uvuluka kabidi dikenga divuaye nadi to. Bualu udi ne disanka dia muntu udiye mufikishe panu.

Yowanane 7:30

Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana.

Bienzedi 7:17

Matuku avua Mvidi Mukulu ne bua kukumbaja bivuaye mulaye Abrahame, tshisamba tshietu kutanta, kuvulangana mu Ejipitu.

Bienzedi 7:20

Ke tshikondu tshivuabu balele Moshe, muana wa mpala muimpe, uvua mutokele Mvidi Mukulu ku muoyi. Kumudishabu ngondu isatu ku nzubu kua tatuende.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Dielulula 34:5

Moshe, muntu wa Maweja-Nangila, kufuila mu ditunga dia Mowabe, anu bu muvua Maweja-Nangila mumane kuamba.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.

1 Samuele 2:5

Bavua badia bukuta, badi bakeba mudimu bua kupeta biakudia. Kadi bavua ne nzala, kabena ne bua kukuata mudimu kabidi to. Mukaji wa nkumba udi ulela, bana muanda mutekete, kadi mukaji uvua ne bana ba bungi, udi ushala nkumba.