Muambi 3:11 - MUKANDA WA MYIDI MUKULU

¹¹ Bionsu bidi Mvidi Mukulu muenze bidi bimpe, udi ubikumbaja ne tshikondu tshiabi. Uvua mutupeshe kabidi ne dijinga dia kumanya bia kale ne bitshidi kumpala. Kadi katuena mua kujingulula bionsu bidi Mvidi Mukulu wenza, biangatshile ku ntuadijilu too ne ku ndekelu nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yeye wakafuka tshintu tshionso tshiakane mu tshikondo tshiatshi; wakuteka lungenyi mu mitshima ya bantu, kadi kabena bamanye mua kujingulula mudimu wa Nzambi wakenzeye ku tshibangidilu tshia buloba tô ne kunshikidilu kuabu.

Muambi 3:11 교차 참조

Genese 1:31

Mvidi Mukulu kukenketa bintu bionsu bivuaye mufuke, kumonaye ne: bidi bimpe bitambe.

Yobe 11:7

Kadi wewe udi mua kumanya malu adi munda mua Mvidi Mukulu anyi?

Yobe 37:23

Mvidi Mukulu mmuena bukole buonsu. Katuena mua kusemena pabuipi nende. Udi munene. Bidiye wenza bionsu bidi bimpe. Kena ukengesha muntu. Tshidiye ne bua kutuambila ntshinyi?

Yobe 5:9

Yeye ke udi wenza malu manene, adi muntu kayi mua kujingulula. Udi wenza bishima bungi kabuyi kubala.

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Nsumuinu 16:4

Tshintu tshionsu tshidi Maweja-Nangila muenze, tshidi ne kipatshila katshi; nanku wakalongoluela muntu mubi dituku dia dimunyoka.

Muambi 1:13

Meme kukenketa ne muoyi wanyi mujima, malu adi enza mu bantu, bua mmone mua kuajingulula. Kadi ebi bidi amu mudimu wa lutatu udi Mvidi Mukulu wenzeja bantu!

Muambi 11:5

Kuena mumanye mudi muana ukola munda mua mamuende. Nenku kuena mua kumanya mudi Mvidi Mukulu ukuata mudimu, bualu yeye ke udi wenza bionsu.

Muambi 7:13

Tutangile mudi Mvidi Mukulu muenze. Muntu nansha umue kena mua kululamija tshidi Mvidi Mukulu mukonyangaje.

Muambi 7:23

Mvua mukenkete malu onsu. Meme kuamba ne: “Ndi musue kuikala muntu wa meji.” Kadi tshiena mukumbaje bualu ebu to.

Muambi 7:29

Tshintu tshimue tshindi mumanye ntshietshi: Mvidi Mukulu uvua mufuke muntu muakanangane ku bionsu. Kadi muntu ewu kudibuejakaja mu malu a bungi.

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

Matayi 13:22

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

Marke 7:37

Bantu bonsu bavua bakema bikole bamba ne: — Malu onsu adiye muenze adi amu mimpe: bena mapapa badi bumvua, tumama kabidi tudi tuakula!

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.