Muambi 2:8 - MUKANDA WA MYIDI MUKULU

⁸ Meme kunguja tshiamu tshitoke tshia mushinga mukole ne mpawungi, ne bintu bia mushinga mukole bivua bifumine kudi bakalenga ne kudi balombodi ba maloba, bavua ku bumfumu buanyi. Mvua ne bena misambu balume ne bakaji, bavua bangimbila bua kunsankisha. Mvua musele bakaji bavule, bungi budi muntu mua kujinga.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nakaheta argent ne or ne bintu bia mushinga mukole bifume kudi bakelenge ne ku provinces; nakadiangatshila bimbi ba misambu, balume ne bakashi, ne biombelu bia mishindu yonso bia kuimba nʼabi misambu.

Muambi 2:8 교차 참조

2 Samuele 19:35

Barzilayi kuandamuna ne: — Mukalenga, nkunshadile matuku bungi munyi bua meme kuikala ne muoyi? Matuku anyi mmashale makese matambe. Tshiena mua kuya nebe ku Yerushalayime.

1 Bakalenga 10:10

Pashishe mukalenga mukaji wa Saba, kupesha mukalenga Shelomu tshiamu tshia mpawungi kilo binunu bisatu ne nkama itanu. Kumupeshaye kabidi manananshi a bungi, ne mabue a mushinga mukole. Biangatshile ku dituku adi, kabena banji kufika ne manananshi bungi ebu mu ditunga dia bena Izrayele to.

1 Bakalenga 10:14

Ku tshidimu tshimue, tshiamu tshia mpawungi tshi wa mukalenga Shelomu mupete mu Yerushalayime tshivua kilo binunu makumi abidi.

1 Bakalenga 10:21

Makopu a mukalenga Shelomu awu, avua anu a tshiamu tshia mpawungi. Kabidi bintu bionsu bia kudila bivua mu nzubu uvuabu babikila ne: “Ditu dia Lebanone,” bivua anu bia tshiamu tshia mpawungi menemene. Kabavua benza bintu bia tshiamu tshitoke tshia mushinga mukole to. Bualu mu tshikondu tshia Shelomu, tshiamu tshitoke tshia mushinga mukole katshivua ne lumu.

1 Bakalenga 11:3

Uvua musele bakaji nkama muanda mutekete, bana ba bakalenga, ne bakaji bakuabu nkama isatu. Bakaji bonsu aba, bavua benzeja Shelomu muvuabu basue.

1 Bakalenga 14:27

Pashishe, mukalenga Robowame kuenzeja ngabu mikuabu ya tshiamu tshikunze ya kupingaja pa kuabu bangata ayi. Ngabu ayi, Robowame kuyipesha bamfumu ba bena mvita, bavua balame biibi bia nzubu wa bukalenga.

1 Bakalenga 9:14

Eku Irame uvua mutumine mukalenga Shelomu kilo binunu bisatu ne nkama itanu ya tshiamu tshia mpawungi.

1 Bakalenga 9:28

Biitshi ba matu abu bonsu, kuya bonsu pamue mu ditunga dia Ofire. Bavua batuadile mukalenga Shelomu tshiamu tshia mpawungi kilo binunu dikumi ne bibidi ne pa mutu.

1 Kulondolola 25:1

Bavua bambuluisha Davide kudi bamfumu ba bisumbu bivua bitangila mudimu wa butendeledi, bua kusungula bena mudimu wa butendeledi awu. Ke ndelanganyi ya Ashafe, ya Emane, ne ya Yedutune. Ndelanganyi eyi ivua imanyisha malu a Mvidi Mukulu, imba misambu ne lunzenze, lunkombe ne ndibu. Mena abu avua nenku:

1 Kulondolola 25:6

Bantu bonsu aba bavua bimba misambu mu nzubu wa Maweja-Nangila ne bisanji biabu: ndibu, nkombe ne nzenze. Bavua baludika bisumbu ebi kudi batatuabu. Bavua benza mudimu wabu mu nzubu wa Mvidi Mukulu, babalombola kudi Ashafe, Yedutune ne Emane, bu muvua mukalenga mubafundile.

2 Kulondolola 9:11

Mabaya a santale awu, mukalenga Shelomu kualonga panshi mu nzubu wa Mvidi Mukulu, ne mu nzubu wende wa bukalenga, bua bantu kuendelapu. Kuenzaye kabidi nawu biombelu, bisanji ne lunzenze bua bantu bavua bimba misambu. Biangatshile musangu awu too ne mpindiewu, kabena banji kumona kabidi bualu bua nanku mu ditunga dia bena Yuda to.

Ezela 2:65

Bavua ne bena mudimu balume ne bakaji 7.337. Bena misambu balume ne bakaji bavua 200.

Muambi 1:2

Muambi udi wamba ne: malu onsu adi tshianana menemene. Malu onsu adi apita patupu. Kaena ne mushinga.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Danyele 3:5

“Diba dinudi numvua muadi wa mpungi, nshiba, nzenze, lunkombe, nansha wa biombelu bikuabu bionsu, nuiname panshi, nukukuile lupingu lua tshiamu tshia mpawungi ludi mukalenga Nebukadnesare muenzeje.

Danyele 3:7

Nanku bantu ba matunga onsu, ba bisamba bionsu, ne ba miakulu yonsu, pasuabu bumvua muadi wa mpungi, nshiba, lunzenze, lunkombe, ne wa biombelu bikuabu bionsu, bavua binama panshi, bakukuila lupingu lua tshiamu tshia mpawungi luvua mukalenga Nebukadnesare muenzeje.

Amosa 6:5

Nudi nusaka misambu ne diyi dikole, nuyimba ne lunzenze. Nudi nuidikija Davide, nudienzela biombelu bipiabipia.