Muambi 2:6 - MUKANDA WA MYIDI MUKULU

⁶ Mvua mumbule biina bia mayi bua mmone mua kumiamina mitshi itshidi mitekete mayi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ nakadiumbuila mena a mai bua kusunabo mai a kumiamina mitshi inakakuna;

Muambi 2:6 교차 참조

Nehemya 2:14

Ke meme kutungunuka ne luendu luseke luvua tshiibi tshia ku Mpokolu wa mayi, ne luseke luvua dijiba dia mukalenga. Kadi nyama wa mpunde umvua mubande, kavua mupete kabidi muaba wa kupitshila to.

Nehemya 2:8

Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Nehemya 3:15

Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.

Nehemya 3:16

Pashishe, Nehemya, muana wa Azbuke, uvua mulombodi wa tshia bibidi tshimue tshia buloba bua Bete-Sure, uvua wenza mudimu too ne pabuipi ne lukita lua Davide, ne ku dijiba dia mayi divuabu bumbule, ne ku nzubu wa bena mvita bavua balame mukalenga.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Musambu wa Solomo 7:4

Mabele ebe abidi adi bu mbuji ya nkungulu ibidi, bu bana ba mapasa ba ngulungu.

Yirmeya 17:8

Muntu awu neikale bu mutshi, udibu bakuna ku muelelu wa mayi. Miji yawu idi ifika ne ku mayi. Mutshi awu kawena utshina tshintu. Nansha mu munya mukole, mabeji awu adi amu mabishi. Nansha mu tshikondu tshia munanga mukole, mutshi awu kawena ufubidila. Udi ukuama amu kukuama bimuma.