Muambi 2:10 - MUKANDA WA MYIDI MUKULU

¹⁰ Bionsu bimvua njinga mvua amu mbipeta. Tshivua mupange disanka nansha dimue. Eyowa, mvua mupete bintu bivule ku midimu yonsu imvua mukuate. Midimu yonsu imvua muenze ivua amu minsankishe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshiakahidia nansha tshintu tshimue tshiakajinga mesu anyi; tshiakalesha mutshima wanyi nansha disanka dimue; mutshima wanyi wakasanka bua midimu yonso makela; edi ndifutu dianyi dia ku midimu yonso biakenza.

Muambi 2:10 교차 참조

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Genese 6:2

Kadi, badi basombele mulu, kumonabu bana ba bakaji ba bantu babalengelela. Kusungulabu munkatshi muabu bakaji bavuabu basue kusela.

Yobe 31:1

Meme ne: tshiena mua kutangila nsongakaji, nansha kumualakana.

Misambu 119:37

Lama mesu anyi kaatangidi bintu bia tshianana. Undombole panu bu muudi musue.

Misambu 128:2

Usanke ne tshiudi mupete ku mudimu webe. Wikale ne disanka, malu ebe onsu neikale bimpe!

Nsumuinu 23:5

Bualu biuma bidi bijimina kuyi muanji kubimona bimpe. Bidi bibuka mudi nyunyi wa tshiminyi ubuka mulu, uya kule.

Muambi 11:9

Wewe nsonga, Sankaku mu bunsonga buebe. Ikala ne disanka pautshidi ne bukole. Bionsu biudi ujinga, bionsu bidi bikulengelela ubikumbaje. Kadi umanye ne: Mvidi Mukulu neakulumbuluishe pa bionsu biudi wenza.

Muambi 2:1

Meme kudiambila ne: “Tukebe masanka a mu bantu. Tumone mudi diakalenga.” Kadi bionsu ebi bidi amu patupu.

Muambi 2:22

Nenku tshidi muntu mua kupeta ku mudimu udiye ukuata ne lutatu, muinshi mua diba ntshinyi?

Muambi 2:24

Diakalenga dia bantu didi amu kudia, kunua ne kusanka ne bidibu bapeta ku mudimu wabu. Ndi mujadike ne: Mvidi Mukulu ke udi ubapesha diakalenga edi.

Muambi 3:22

Nanku ndi mumone ne: kakuena bidi mua kusankisha muntu bipite bia ku disanka dia mudimu wende. Ke bionsu bidiye ne bua kuenza panu, bualu kakuena udi mua kumupingaja pa buloba bua amone bidi ne bua kuenzeka kunyima kuende.

Muambi 5:10

Padi muntu ne biuma bivule, bantu bavule badi babidia. Biuma nebilengelele muenabi ku tshinyi? Bushuwa udi mua kubitangila ne mesu, kadi tshikuabu tshidiye upeta ntshinyi?

Muambi 5:17

Nanku tshindi mumanya tshidi nunku: diakalenga dia muntu ke kudia, ne kusanka ne bidiye upeta ku midimu yende matuku onsu adiye ne muoyi pa buloba. Ke mudimu udi Mvidi Mukulu utufundila panu!

Muambi 5:18

Misangu mikuabu Mvidi Mukulu udi upesha muntu biuma, umupesha kabidi ne diba dia mua kusanka nabi. Nanku muntu ewu ela amu Mvidi Mukulu tuasakidila bua padiye usanka ne bidiye mupete ku mudimu wende. Bualu bionsu abi ndipa dia kudi Mvidi Mukulu.

Muambi 6:2

Tuambe ne: Mvidi Mukulu mmupeshe muntu kampanda bubanji, biuma ne lumu lunene. Muntu awu udi ne bionsu bidiye ujinga. Kadi Mvidi Mukulu kena musue bua asanke nabi to. Muntu mukuabu udi ubidia. Bualu abu mbualu bubi, ndikenga dipite bunene!

Muambi 6:9

Bidi bimpe kusanka ne biudi nabi pa muntu pa kukeba bikuabu bia mishindu yonsu, bualu abi bidi kabidi patupu bu kuipatangana ne lupepele.

Muambi 8:15

Nanku ndi ngamba ne: mbimpe bantu basanke. Bualu diakalenga dia muntu panu ke kudia, kunua ne kusanka. Ke difutu dia mudimu wende matuku onsu adi Mvidi Mukulu mumuteke pa buloba.

Muambi 9:6

Mbamane kujimina, dinanga diabu, nkinu yabu, ne mikawu yabu, mbijimine kabidi. Kabakubuelakana kabidi mu malu adi enzeka pa buloba to.

Muambi 9:9

Sanka ne mukajebe uudi munange, mu matuku makese adi Mvidi Mukulu mukulame ne muoyi panu. Ke difutu diudi mua kupeta panu bua ntatu iudi nayi pa buloba.

1 Yone 2:16

Bualu malu a panu ke majinga mabi a buntu buetu, lukuka lua bitudi tumona, kuditemba bua bitudi nabi. Malu onsu aa kaena afuma kudi Tatu, kadi kudi bukua panu.

Balombodi 14:2

Shimeshone upingana kuabu, kuambilaye baledi bende ne: — Ku Timna ndi mumone nsongakaji wa bena Peleshete. Ndi musue nunselele mukaji ewu.