Muambi 2:1 - MUKANDA WA MYIDI MUKULU

¹ Meme kudiambila ne: “Tukebe masanka a mu bantu. Tumone mudi diakalenga.” Kadi bionsu ebi bidi amu patupu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nakambila mutshima wanyi ne, Tuye bietu, nenkutete ne masanka; nunku usanke biebe. Monai, buakadi hatuhu kabidi.

Muambi 2:1 교차 참조

Genese 11:7

Nanku tuyayi kubondakaja muakulu wabu, bua bapange mua kumyuangana munkatshi muabu.”

2 Bakalenga 5:5

Mukalenga wa bena Siriya kuandamuna ne: — Eyowa, mbimpe! Ndi nkupa mukanda, uye kumonangana ne mukalenga wa bena Izrayele, umupe mukanda awu. Nanku Namane kuya kudi mukalenga wa bena Izrayele ne bintu ebi: tshiamu tshitoke tshia mushinga mukole kilo bu nkama isatu, tshiamu tshia mpawungi kilo makumi asambombu, ne bilamba dikumi bia kuvuala dituku dia tshibilu.

Misambu 10:6

Udi wamba ne: “Tshiakutenkakana, kashidi dikenga kadiakunkuata!”

Misambu 14:1

Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

Misambu 27:8

Ndi mvuluka miaku yebe ya ne: “Pingana kundi.” Ke pandi mpingana kuudi wewe, Maweja-Nangila.

Nsumuinu 14:13

Nansha muntu udi useka udi mua kuikala mu dikenga. Nanku kunyima kua disanka kudi kushala amu dibungama.

Muambi 11:9

Wewe nsonga, Sankaku mu bunsonga buebe. Ikala ne disanka pautshidi ne bukole. Bionsu biudi ujinga, bionsu bidi bikulengelela ubikumbaje. Kadi umanye ne: Mvidi Mukulu neakulumbuluishe pa bionsu biudi wenza.

Muambi 2:10

Bionsu bimvua njinga mvua amu mbipeta. Tshivua mupange disanka nansha dimue. Eyowa, mvua mupete bintu bivule ku midimu yonsu imvua mukuate. Midimu yonsu imvua muenze ivua amu minsankishe.

Muambi 2:15

Pandi meme ne nshikidilu wa momumue ne wa mupote, meji andi mumupite nawu adi angambuluishe ku tshinyi? Nanku meme kumona ne: ebi bionsu bidi tshianana.

Muambi 2:25

Bualu muntu kena mua kudia, nansha kusanka, padi Mvidi Mukulu kayi muanyishe.

Muambi 7:4

Muntu wa meji udi uya muaba udi bantu babungama, muntu mutatakane udi uya muaba udi bantu basanka.

Muambi 8:15

Nanku ndi ngamba ne: mbimpe bantu basanke. Bualu diakalenga dia muntu panu ke kudia, kunua ne kusanka. Ke difutu dia mudimu wende matuku onsu adi Mvidi Mukulu mumuteke pa buloba.

Yeshaya 5:5

Kadi mpindiewu, ndi nnuambila tshindi musue kuenzela budimi buanyi. Nentule lupangu lua meba lumvua muaseku, nyama neidiemu. Nengupule tshimana tshia lupangu. Bantu badi bapita ne njila nebabudiatakaje.

Yeshaya 50:11

Kadi nuenu bonsu badi batemesha kapia, badi benda ne kapia kasuika ku mikete mu bianza, ndimi ya kapia kenu neinukuate. Mikete inuvua batemeshe neinoshe. Ke bidi Maweja-Nangila musue kunuenzela. Nenukenge bikole, nufuilamu.

Yeshaya 50:5

Eyowa, Maweja-Nangila udi undongesha mundi mua kuteleja. Tshiena mumutombokele to. Tshiena musunuke nansha.

Luke 12:19

Nengambe ne: Disanka kaayi! Ndi ne bintu bivule bidi mua kungambuluisha bidimu ne bidimu. Mpindiewu ndi mua kuikisha, kudia, kunua, kuondoloka.”

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

Luke 16:23

Muena biuma uvua ukengakana bikole mu kandondu ka bafue. Ukenzakana, kumonaye Abrahame ku bule, Lazare muikale pabuipi nende.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Yakobe 4:13

Mpindiewu ndi nnubela, nuenu badi bamba ne: “Lelu, nansha maloba, netuye mu tshimenga kampanda. Netusombemu tshidimu tshijima, tuende mushinga, tupete mateta.”

Yakobe 5:1

Mpindiewu ndi nnubela nuenu, bena biuma! Dilayi, nutue mikemu, bualu makenga neanukuate!

Yakobe 5:5

Nuvua basombe pa buloba mu biuma ne masanka. Nudi nudia nuondoloka. Kadi dituku dia kunushipa dikadi pabuipi.