Muambi 10:12 - MUKANDA WA MYIDI MUKULU

¹² Padi muntu wa meji wakula, bantu badi basanka. Padi muntu mutshimbakane wakula, bantu badi badiwula.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mei a mukana mua muena meji adi ne kalolo, kadi mishiku ya muhote neyimumine.

Muambi 10:12 교차 참조

2 Samuele 1:16

Davide kuela muena Amaleke awu lusanzu ne: — Wewe nkayebe udi mudikebele lufu. Udi mumane kudienzela bibi, bualu udi ujadika ne: “Meme ke udi mushipe mukalenga uvua Maweja-Nangila musungule.”

Yobe 16:5

Mvua mua kunukolesha ku muoyi, kadi anu ne miaku. Mvua mua kunusamba, kadi anu mukana patupu.

Misambu 140:9

Maweja-Nangila, kuanyishi majinga a bantu babi, kulekedi majinga abu akumbane.” Bantu badi banduisha badi ne ditambisha dia bungi; bavua banjingila diakabi, diakabi edi dibapingene bobu meme!

Misambu 37:30

Muntu wa Mvidi Mukulu udi wakula miaku ya meji, umvuija bantu bidi Maweja-Nangila musue.

Misambu 64:8

Kadi Mvidi Mukulu udi ubaludikila miketa yende, diakamue idi ibasa, ibatapa mputa.

Nsumuinu 10:10

Udi kayi musue kuambila bantu malu patoke mudiwu, udi ubakengesha; kadi udi ubabela bimpe, udi usombesha bantu mu ditalala.

Nsumuinu 10:8

Muntu wa meji udi wanyisha mibelu. Muntu muena biakulakula neabutuke lukasa.

Nsumuinu 12:18

Muena biakulakula udi utapa mputa minene bu ya muele wa mvita. Kadi ludimi lua bantu ba meji ludi bondapa.

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.

Nsumuinu 19:5

Badi banyoka muntu udi ujadika malu a dishima. Udi udinga bantu mmuena tshibawu.

Nsumuinu 22:11

Pikala muntu musue kudia bulunda ne mukalenga, ikale ne muoyi muimpe, amanye kabidi mua kuakula bimpe.

Nsumuinu 26:9

Mushindu udi muntu mukuatshike maluvu upatula dieba dimutue mu tshianza, ke mudi muntu mutshimbakane ujanguluka ne lusumuinu.

Nsumuinu 31:26

Udi wakula ne meji. Udi mumanye mua kubelangana ne muoyi muimpe.

Muambi 12:11

Bualu miaku ya bantu ba meji idi bu misongolu idi balami baludika nayi mikoku, idi bu ndami idi isuikakaja malu adi muntu mumanye. Miaku eyi mmifume kudi Mvidi Mukulu. Yeye udi mulami umuepele buetu bonsu.

Muambi 4:5

Bushuwa, mupote udi kayi ukuata mudimu udi udifuisha ne nzala.

Muambi 5:2

Bualu muntu udi upita kuakula, udi upita kuakula miaku mibi. Ke mudi muntu udi ne ntatu mivule upita kulota ndota mibi.

Muambi 5:6

Miaku ya bungi kayena ikumbaja bualu, mudi bilota bivule kabiyi bileja bualu. Nanku enza anu muebe muonsu bua unemeke Mvidi Mukulu.

Muambi 9:17

Kadi bidi bimpe kuteleja muntu wa lungenyi udi wakula ne lutulu, pa mutu pa kuteleja mfumu udi wela mbila mu tshipangu tshia bantu batshimbakane.

Matayi 12:35

Muntu muimpe udi wenza malu mimpe, bualu munda muende mudi muimpe. Muntu mubi udi wenza malu mabi, bualu munda muende mudi mubi.

Luke 19:22

Mukalenga kumuandamuna ne: “Udi muena mudimu mubi. Nenkose tshilumbu tshiebe bilondeshile miaku yebe. Uvua mumanye mundi muntu wa tshikisu, ngangata bintu bidi kabiyi bianyi, nnowa bindi tshiyi mukune.

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Kolose 4:6

Miaku yenu ibasankishe, ibalengelele. Numanye mua kuandamuna muntu yonsu bimpe.