Muambi 1:13 - MUKANDA WA MYIDI MUKULU

¹³ Meme kukenketa ne muoyi wanyi mujima, malu adi enza mu bantu, bua mmone mua kuajingulula. Kadi ebi bidi amu mudimu wa lutatu udi Mvidi Mukulu wenzeja bantu!

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nakateka mutshima wanyi ne meji anyi mu kukeba ne mu kujingulula kua malu onso adi menjibue muinshi mua diulu; eu mmudimu wa lutatu wakuha Nzambi ba ha buloba bua kubadisha nʼau.

Muambi 1:13 교차 참조

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Yobe 28:3

Bakebi ba biamu badi baya ne miendu munda mua buloba, badi bakenketa mabue, bumbula too ne mu miidima.

Misambu 111:2

Malu adi Maweja-Nangila muenze adi manene, bantu badi baamone badi baanyishe.

Nsumuinu 18:1

Muntu udi udinanga, udi udilamuna kudi bakuabu. Udi ufika munda padibu bafila meji makuabu.

Nsumuinu 18:15

Muntu wa lungenyi udi ujinga kumanya malu a bungi. Muntu wa meji udi ukeba kumvua miaku idi yamba bualu.

Nsumuinu 23:26

Muananyi, ngitaba. Sanka bua umfuane meme.

Nsumuinu 25:2

Tudi tunemeka Mvidi Mukulu bualu udi usokoka tshidiye wenza. Tudi tunemeka bakalenga padibu bumvuija bidibu benza.

Nsumuinu 4:7

Bua kupeta meji, udibambe bikole bua kulonga mudiwu. Ufile bionsu biudi mupete bua ushale muena meji.

Muambi 1:17

Mvua nkeba mua kujingulula mudi malu mashilangane ne butatakane, mudi lungenyi lushilangane ne bupote. Kadi meme kumona ne: bionsu bindi ngenza bidi amu bu kuipatangana ne lupepele.

Muambi 11:5

Kuena mumanye mudi muana ukola munda mua mamuende. Nenku kuena mua kumanya mudi Mvidi Mukulu ukuata mudimu, bualu yeye ke udi wenza bionsu.

Muambi 12:12

Muananyi, katuena ne bua kusakidila bia bungi. Mikanda itudi mua kufunda kayena ne ndekelu. Muntu udi ulonga, udi upungila bikole.

Muambi 2:23

Midimu yende idi imupetesha amu dikenga ne kanyinganyinga buatshia buatshia. Nansha butuku, lungenyi luende kaluena ne dikisha to. Bushuwa, ebi bionsu kabiena biumvuika nansha!

Muambi 2:26

Nanku Mvidi Mukulu udi upesha muntu udi mumutokela ku muoyi, meji, dimanya ne disanka. Kadi muntu udi umubipila udi umupesha mudimu wa kukungijila udi mumutokela ku muoyi mpetu. Kadi ebi kabidi bidi amu tshianana, bu kuipatangana ne lupepele.

Muambi 3:10

Mvua mutangile midimu mikole idi Mvidi Mukulu mupeshe bantu.

Muambi 3:11

Bionsu bidi Mvidi Mukulu muenze bidi bimpe, udi ubikumbaja ne tshikondu tshiabi. Uvua mutupeshe kabidi ne dijinga dia kumanya bia kale ne bitshidi kumpala. Kadi katuena mua kujingulula bionsu bidi Mvidi Mukulu wenza, biangatshile ku ntuadijilu too ne ku ndekelu nansha.

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Muambi 7:25

Nenku meme kutuadija kulonga malu, meme kukeba mua kujingulula bidi panu. Mvua musue kujingulula tshidibu babikila meji. Mvua mukebe bua bandamune ku nkonku imvua nayi pa malu onsu adi enzeka! Meme kumona ne: kuikala muntu mubi, nansha mupote, mbupale.

Muambi 8:9

Mvua mukenkete bionsu bidi bienzeka pa buloba. Bantu bakese badi ne bumfumu, bakengesha bantu nabu.

1 Timote 4:15

Ukumbaje mudimu ewu bimpe. Udifileku ne muoyi mujima, bua bantu bonsu bamone muudi uya kumpala.