Muambi 1:10 - MUKANDA WA MYIDI MUKULU

¹⁰ Padi bualu buenzeka, tudi mua kuamba ne: “Tangilayi bualu bupiabupia!” Kadi bualu bua nanku buvua bumane kuenzeka kalekale kabayi banji kutulela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshintu tshidiku tshidibo ba manye mua kuamba ne, Tangila, etshi ntshintu tshihia-tshihia, anyi? Tshiakadiku kale, mu bikondo biakadi ku mpala kuetu.

Muambi 1:10 교차 참조

Muambi 1:11

Kadi tudi tupua muoyi bivua bienzekela bankambua betu. Nenku bitudi tuenza mpindiewu, nansha bidi ndelanganyi yetu ne bua kuenza maloba, nebabipue muoyi kabidi amu lukasa.

Muambi 1:9

Bivua bienzeka nebienzeke kabidi. Bivua bantu benze nebabienze kabidi. Kakuena bualu bupiabupia pa buloba apa to.

Muambi 2:12

Mvua musue kujingulula ne: muntu wa meji udi mupite muntu mupale, nansha mutshimbakane ku tshinyi? Meme kudikonka kabidi ne: muntu wampingana mu bukalenga neenze malu mashilangane ne avuabu benze kudi bavua bamudianjidile mu bukalenga anyi?

Muambi 6:10

Bionsu bidi bienzeka lelu, mbamane kubijadika kale. Tudi bamanye kabidi muntu muende mudiye: kena mua kuelangana mpata ne udi mumupite makanda to.

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

2 Timote 3:8

Bu muvua Yanese ne Yambrese batombokele Moshe, ke mudi bantu abu babenga bulelela. Lungenyi lua bantu abu ndunyanguke. Ditaba diabu didi patupu.