Muadi 4:6 - MUKANDA WA MYIDI MUKULU

⁶ Bubi bua tshisamba tshianyi mbupite bua bena tshimenga tshia Sodome, tshivuabu babutule diakamue, kakuyi bantu basumpakane bua kutshisungidila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Dikenga diakukuata muana mukashi wa bana betu bua mibi yandi didi dihita dikenga diakukuata musoko wa Sodoma bukole, musoko wakubutulabo mu kuvinya kua disu, kauyi ne tshianza tshia muntu tshilenga.

Muadi 4:6 교차 참조

Genese 19:24

Diba adi Maweja-Nangila kulokesha mu Sodome ne Ngomore mvula wa kapia kakole ka mfundanga, kela ndimi.

Genese 19:25

Mvula awu kubutula bimenga bionsu bibidi, kushipa bantu, kunyanga ditunga ne madimi mene kashidi.

Yeshaya 24:2

Bualu bua mumue budi bukuata batuangaji ne bantu bakuabu, bukuata bamfumu ne bapika babu, bukuata bamamu ba nzubu ne bena mudimu babu, bukuata basumbishi ba bintu ne badi basumba, bukuata basombeshanganyi ba bintu ne badi basomba bintu, bukuata bangatshi ba kasombela ne bafidi ba kasombela.

Yirmeya 20:16

Muntu ewu ikale bu bimenga bivua Mvidi Mukulu munyange kayi ne luse. Dinda muntu ewu umvue anu miadi! Munda munya umvue anu mitoyi ya mvita!

Yirmeya 23:14

Kadi bindi mumone kudi bambi ba mu Yerushalayime, bidi bibi bipite. Badi benza malu a tshiendenda, badi bashimangana. Badi bakolesha bena buenzavi ku muoyi, badi bakandika muntu yonsu bua kadilengeji. Badi amu bu bena Sodome. Bena Yerushalayime badi amu bu bena Ngomore.”

Muadi 4:9

Bivua bipite buimpe kufua ku muele wa mvita, pa mutu pa kufua ku nzala, pa mutu pa kulewuka ku tshiyole.

Danyele 8:25

Udi ne budimu bua bungi. Neashime ne bantu bakuabu. Bua diditambisha diende, neabutule bantu ba bungi badi bela meji ne: tudi tusomba talalaa. Neatombokele mukalenga wa bakalenga. Ke diba didibu bamutshibula, kakuyi muntu udi wenza bualu.

Danyele 9:12

Wewe udi muenze tshiuvua muambe bualu buetu ne bua bamfumu badi batuludika: udi mututumine mu Yerushalayime makenga makole adi kaayi manji kukuata bantu bakuabu pa buloba.

Matayi 24:21

Bualu tshikondu atshi, dikenga nedikale dikole, dipite makenga onsu avua menzeke ku ntuadijilu wa bukua bantu, too ne mpindiewu. Makenga a nanku kaakuenzeka kabidi to.

Luke 10:12

Ndi nnujadikila ne: dituku didi Mvidi Mukulu ukosa nsambu, kakunyoka bena Sodome, mudiye ne bua kunyoka bena tshimenga atshi nansha.

Luke 12:47

Muena mudimu udi mumanye bidi mfumuende musue, kadi ubenga kudilongolola bua kubikumbaja, nebamutuute bikole.