Misambu 92:7 - MUKANDA WA MYIDI MUKULU

⁷ Muntu udi kayi ne meji, kena mumanye, mutshimbakane kena ujingulula tshintu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ ne, Biadiunda bantu babi bu mudi mashinde atoloka, ne bikala benji ba malu mabi bonso ne diakalengele, budi bua bobo kujimishibua tshiendelele.

Misambu 92:7 교차 참조

Yobe 12:6

Bena tshikisu badi basomba kabayi bapampakana. Badi bajula tshiji tshia Mvidi Mukulu badi ne ditalala. Bukole buabu ke wabu mvidie, kabena bamanye mvidie mukuabu.

Misambu 37:38

Kadi badi benza bibi, nebabutuke musangu umue. Ndelanganyi yabu neijimine.

Misambu 73:12

Ke mudi bantu badi bayila Mvidi Mukulu. Bakadi ne bintu bivule, bapeta amu bikuabu.

Misambu 73:22

tshivua kabidi ne lungenyi to. Mvua mutatakane bu nyama, tshiyi mua kukumvua.

Misambu 94:4

Bantu bonsu badi benzela bakuabu bibi, badi bakula bibi ne kapeja, baditambisha.

Nsumuinu 1:32

Bualu tshibulengenyi udi ubutuka padiye ubenga meji. Kalengu ka bantu bapote kadi kabajimija.

Yeshaya 37:27

Bena bimenga abi kabavua ne bukole. Bavua batshina bikole, bumvua ne bundu. Bavua bafuanangane ne bikunyibua bia mu madimi, nansha ne bisosa bia mu mpata, nansha ne mitshi idi itoloka ku misaka ya nzubu, idi lupepela lua kudi diba dipatukila luosha.

Malaki 3:15

Mpindiewu tudi tujadika ne: bena dikamakama ke bena diakalenga; bena buenzavi ke badi balubuluka. Nansha bobu bakeba Mvidi Mukulu lonji, badi amu bapanduka!’ ”

1 Petro 1:24

Ke mudibu bafunde mu Mukanda wa tshijila ne: “Bantu bonsu badi bu bisosa. Lumu luabu luonsu ludi amu bu bilongu bia mu mpata. Bisosa bidi biuma, bilongu bipopoka.