Misambu 89:3 - MUKANDA WA MYIDI MUKULU

³ Ndi ngamba ne: Malu ebe mempe mmashindame kashidi, bulelela buebe mbujalame mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

³ Nakuhunga tshihungidi ne muntu unakusungula, nakuditshiha kudi Davidi muntu wanyi ne,

Misambu 89:3 교차 참조

2 Samuele 23:5

Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

2 Samuele 3:9

Maweja-Nangila annyoke bikole, pangikala tshiyi ngenzela Davide bionsu bivua Maweja-Nangila mumulaye.

1 Bakalenga 8:16

“Biangatshile dituku dimvua mupatule bantu banyi bena Izrayele mu Ejipitu, katshia tshivua musungule tshimenga nansha tshimue munkatshi mua bimenga bia bena Izrayele bua kungibakilamu nzubu undi mua kusomba to. Kadi ndi mukusungule wewe Davide, bua wikale mukalenga wa bantu banyi bena Izrayele.”

Misambu 132:11

Maweja-Nangila uvua muditshipe kudi Davide ne mutshipu, udiye kayi mua kulekela ne: “Nensungule umue wa ku bana bebe ba balume, bua kukupinganaye mu bukalenga.

Misambu 78:70

Maweja-Nangila uvua musungule Davide, bua kuikala muena mudimu wende. Uvua muye kumukeba mu tshikumbi tshia mikoku,

Misambu 89:19

Ngabu wetu, ngua Maweja-Nangila mukalenga wetu, ngua Mvidi Mukulu wa tshijila wa bena Izrayele.

Misambu 89:28

Nemmuteke muananyi muanabute, mupite bakalenga ba pa buloba ku bunene.

Misambu 89:39

Kadi wewe udi mubenge mukalenga uuvua mujidile, udi mumulekele, udi mumufikile munda.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Yirmeya 30:9

Kadi nebankuatshile mudimu meme Maweja-Nangila Mvidi Mukulu wabu. Nenku nempingaje mu bukalenga bua Davide muana wa ku ndelanganyi yende. Nebamuenzele mudimu, bualu mmukalenga wabu.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Bienzedi 2:30

Kadi yeye uvua muambi. Uvua mumanye ne: Mvidi Mukulu mmundaye uditshipa ne: nenteke umue wa ku ndelanganyi yebe mu nkuasa webe wa bumfumu.

Ebrewu 7:21

Kadi pavua Mvidi Mukulu muteke Yezu mu butuangaji, uvua muditshipe, bualu mbafunde ne: “Maweja-Nangila mmuditshipe, nanku kena uvila bivuaye muambe ne: ‘Wewe newikale mutuangaji kashidi.’ ”

Balombodi 2:1

Mutumibue wa Maweja-Nangila kumuka ku Ngilgale, kuya ku Bokime. Kuambilaye bena Izrayele ne: — Mvua munupatule mu Ejipitu, munufikishe mu ditunga edi, dimvua mulaye bankambua benu, muditshipe. Mvua muambe ne: kashidi tshiena mua kunyanga ndondu wanyi undi mutue nenu to.