Misambu 85:9 - MUKANDA WA MYIDI MUKULU

⁹ Ndi musue kuteleja tshidi Mvidi Mukulu wamba. Maweja-Nangila udi wamba bua ditalala, dia bantu bende, badi bamulamate, ne badi batekemena kudiye.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bulelela, luhandu luandi ludi ha buihi ne badi bamutshina, bua butumbi bushikame mu buloba buetu.

Misambu 85:9 교차 참조

Misambu 119:155

Lupandu ludi kule bua bantu badi kabayi bitaba Mvidi Mukulu, kabayi balama mikenji yende, bualu kabena bitaba biudi musue.

Misambu 50:23

Muntu udi ungela tuasakidila, ke udi untumbisha! Udi untumikila, ke undi mpandisha!

Yeshaya 4:5

nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama. Butumbi abu nebubambuluishe,

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Yirmeya 23:35

Tshinudi mua kukonkangana tshidi amu ne: “Maweja-Nangila mmuandamune tshinyi” Nansha ne: “Maweja-Nangila mmuambe tshinyi”

Yirmeya 23:37

Eyowa, badi mua kukonka muambi ne: “Maweja-Nangila mmukuandamune tshinyi, wakuambidi tshinyi?”

Yirmeya 29:11

Bualu meme Maweja-Nangila ndi mumanye meji andi nnuelela. Ndi nnujadikila ne: tshiena ne muoyi wa kunukengesha nansha, kadi amu bua kunufikisha ku diakalenga. Nennukumbajile malu anudi batekemene.

Yezekiyele 26:20

Nenkutume mu dijimba dia bafue, bua usombemu ne bantu bafuile kale. Neushale muinshi mua buloba mu kandondu kafuanangane ne makolu, bua usombe ne bafue bavua badianza kufika muaba awu. Kuena upatukamu kabidi to. Pa buloba muaba udi bantu ne muoyi, kuakupeta muaba kabidi to.

Yezekiyele 3:10

Pashishe kungambilaye ne: — Yezekiyele, ungunzuluile muoyi webe, ne matshi ebe. Uteleje bionsu bindi nkuambila, ubivuluke bimpe.

Abakuke 2:1

Meme ndi mutentekedi wa mu tshimenga, ndi mubande kulu pa tshimana tshia tshimenga, ngindila. Ndi musue kumvua tshidi Mvidi Mukulu mua kungambila, mudiye mua kuandamuna ku dimudiwula dianyi.

Zekâya 2:5

Maweja-Nangila kundeja bualu bukuabu. Meme kumona muntu muikale ne nshinga wa kupima nende bimana mu bianza.

Zekâya 2:8

Kuambilaye mutumibue muibidi awu ne: — Uye lubilu kudi nsongalume udi ne nshinga, umuambile ne: kabena mua kunyungulula tshimenga tshia Yerushalayime ne bimana, bualu bantu ne nyama nebikalemu bipite bungi.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Bienzedi 13:16

Polu kujuka, kupuwisha bantu ne tshianza, wamba ne: — Nuenu bena Izrayele, nuenu kabidi bena bisamba bikuabu badi batendelela Mvidi Mukulu, ntelejayi:

1 Samuele 3:9

Nanku Eli kuambila Samuwele ne: — Pingana, uye kulala. Pikalabu bakubikila kabidi, witabe ne: “Maweja-Nangila ngambilaku. Meme muntu webe ndi nkuteleja!” Samuwele kupingana, kuya kulala muaba wende.