Misambu 85:4 - MUKANDA WA MYIDI MUKULU

⁴ Udi mulekele tshiji tshiebe, kuena musue kubafikila munda.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Utuhingashe, Nzambi wa luhandu luetu, ulekele tshiji tshiudi nʼatshi kutudi.

Misambu 85:4 교차 참조

Misambu 25:2

Mvidi Mukulu wanyi, ndi ndifila kuudi. Kumfuishi bundu, bena lukuna banyi kabanseki!

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Misambu 80:19

Nenku, katuena tumuka kuudi to, utulame ne muoyi, netukutendelele amu wewe.

Misambu 80:3

Uleje bukole buebe, ku mesu a bisamba ebi: tshia Efrayime, tshia Binyamine, ne tshia Menashe utuakidile, utupandishe.

Misambu 80:7

Udi mutukebeshe matandu kudi bena mutumba, baluishi betu badi batulembakaja.

Yeshaya 10:25

Bualu panenga tshitupa, tshiji tshimvua natshi bualu buenu netshituye. Nenkudimukile bena Ashure bua meme kubanyoka.”

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yirmeya 31:18

Mvua mumvue bena Efrayime badila muadi, bamba ne: “Maweja-Nangila, udi mutunyoke bikole, mudibu banyoka muana wa nyama wa ngombe wa balume, udibu kabayi banji kutekesha bimpe. Kadi mpindiewu utupingaje kuudi, bua tupingane kuudi bulelela, bualu wewe Maweja-Nangila ke udi Mvidi Mukulu wetu.

Muadi 5:21

Utupingaje kuudi, Maweja-Nangila, bua tupingane kuudi bulelela. Utuakajile nsombelu wetu, bu muvuaye bangabanga.

Danyele 9:16

Maweja-Nangila, utuenzele tshiakabidi malu mempe. Lekela tshiji tshiudi mukuatshile Yerushalayime, tshimenga tshiebe, mukuna webe wa tshijila. Bua bilema bietu ne bua mibi ya batatuetu, matunga onsu adi netu mutumba adi amu apenda Yerushalayime ne tshisamba tshiebe.

Osheya 11:9

Tshiena nnunyoka, bilondeshile tshiji tshianyi to. Tshiena mbutula bena Efrayime musangu muibidi to, bualu meme tshiena muntu, ndi Mvidi Mukulu. Nuenu bena Efrayime, numanye ne: meme Mvidi Mukulu wa tshijila ndi nenu. Tshiena musue kufika kunudi mufike munda.”

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Yowanane 4:22

Nuenu, bena Samariya kanuena bamanye tshinudi nutendelela. Tuetu, bena Yuda tudi bamanye tshitudi tutendelela. Bualu lupandu ludi lufumina kudi bena Yuda.

Yoshua 7:26

Pashishe kuimanyikabu mushiki wa mabue pambidi pa Akane. Mabue awu atshidipu too ne mpindiewu. Ke padibu babikila muaba awu ne lelu ne: tshibandabanda tshia Akore. Bionsu abi bimane kuenzeka, tshiji tshia Maweja-Nangila kutuya.