Misambu 82:5 - MUKANDA WA MYIDI MUKULU

⁵ “Kadi kanuena numvua, kanuena bamanye tshintu nansha tshimue, nudi mu miidima, nuenda nububuta, ke padi bantu bakeba kubutuka.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kabena bamanye, kabena bajingulula malu; badi bendakana eku ne eku mu midima. Bishimikidi bionso bia buloba bidi bikankishibue.

Misambu 82:5 교차 참조

Yobe 8:9

Tuetu mbatulele amu makelela ewu, katuena bamanye bualu nansha bumue. Matuku etu a panu adi apita bu mudi mundidimbi, adi bu dileji didi dijimina.

Misambu 11:3

Padi bulongolodi buonsu bunyanguka mu ditunga, tshidi muntu muakane mua kuenza kabidi ntshinyi?

Misambu 14:4

Maweja-Nangila udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 53:4

Kadi bonsu mbapambuke, bonsu mbena buenzayi. Kakuena udi wenza tshidi Mvidi Mukulu musue nansha umue.

Misambu 75:3

Mvidi Mukulu udi wamba ne: “Meme nkayanyi ndi njadika tshikondu tshindi ndumbuluisha bantu, nenkose nsambu yabu amu pa yoyi.

Misambu 99:1

Maweja-Nangila udi mukalenga, bantu badi bazakala. Nkuasa wende wa bukalenga udi pa mutu pa batumibue bende badi bashale mu diulu, buloba budi butenkakana.

Nsumuinu 1:29

Nebienzeke nanku, bualu nudi nubenga kulonga malu, kanuena basue kutshina Maweja-Nangila to.

Nsumuinu 2:13

ne ku badi bapambuke mu njila miakane, bendela mu njila ya miidima.

Nsumuinu 4:19

Kadi njila idi bantu babi balonda idi miidima. Kabena bamanye muaba udibu mua kulendukila.

Muambi 2:14

Bualu muntu wa meji udi mumanye kudiye uya. Kadi mupote udi wenda ububuta. Kadi ndi mumanye kabidi ne: bonsu babidi badi ne nshikidilu wa momumue.

Muambi 3:16

Telejayi mundi mumone kabidi malu makuabu adi panu: bantu badi bakengeshangana muaba uvuabu mua kulongolola malu bimpe, kukosa nsambu pa yoyi.

Yeshaya 5:7

Budimi bua mvinyo bua Maweja-Nangila muena bukole buonsu, ntshisamba tshia bena Izrayele. Mionji mimpe ivua imusankisha, ntshisamba tshia bena Yuda. Maweja-Nangila uvua mutekemene ne: bantu bende nebenzelangane bimpe, kadi badi amu bakengeshangana. Uvua mutekemene ne: bantu bende nebenze amu bidi bimpe. Kadi miaba yonsu, badibu bakengesha, badi badila amu miadi ya kanyinganyinga. (Tun. 8-24: 10.1-4)

Yeshaya 59:9

Ke mudi Mvidi Mukulu kayi utuambuluisha lukasa, kayi ukumbaja bivuaye mutulaye. Tuvua batekemene kumona butoke, kadi miidima idi miaba yonsu. Tuvua bindile bua diba dipatuke, kadi tudi tuenda amu mu miidima yabufuku.

Mika 3:1

Nuenu bamfumu ba ndelanganyi ya Yakobe, nuenu bakoshi ba nsambu ba bena Izrayele, ndi nnukonka ne: “Mudimu wenu kawena wa kukosa nsambu pa yoyi anyi?

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Yowanane 3:19

Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

1 Yone 2:11

Kadi muntu udi ukina muanabu, udi wenda mu miidima. Udi wendamu, kayi nansha mumanye kudiye uya. Bualu miidima mmimupofamije mesu.