Misambu 80:1 - MUKANDA WA MYIDI MUKULU

¹ Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.

Mukanda wa Nzambi Dihungila Dikulukulu ne Dihungila Dihia-dihia 2003

¹ Teleja matshu ebe, wewe Mulami wa mikoko wa Bena Isalele, wewe udi ulombola bana ba Yosefe bu tshisumbu tshia mikoko. Wewe udi mushikika mu nkuasa wa butumbi ha mutu ha bakeluba, uteme biebe.

Misambu 80:1 교차 참조

2 Samuele 6:2

Kuyaye nabu ku Baala, mu Yuda, bua kuangata mushete wa tshijila wa Mvidi Mukulu. Mushete awu udi ne dina dia Maweja-Nangila, Mvidi Mukulu wa bena mvita ba bena Izrayele, udi usomba pa mutu pa bakerubine.

2 Bakalenga 19:15

Nanku, kutendelelaye, wamba ne: “Maweja-Nangila Mvidi Mukulu wa Izrayele, wewe udi usomba pa mutu pa bakerubine. Wewe nkayebe ke Mvidi Mukulu mu makalenga onsu a pa buloba, wewe ke uvua mufuke diulu ne buloba.

Yobe 10:3

Paudi unkengesha nenku, udi wipatshila tshinyi? Udi upepeja tshiudi wewe mufuke bua tshinyi? Muudi useka paudi umona meji adi bantu babi bela mbishi?

Misambu 45:1

Musambu wa mu mukanda wa mulombodi wa bena misambu. Muimba ne nzenze. Kasala ka mu mukanda wa misambu wa bena Kora. Musambu wa dinanga.

Misambu 5:1

Musambu wa mu mukanda wa mulombodi wa misambu, wa kuimba ne nshiba. Musambu wa mu mukanda wa misambu ya Davide.

Misambu 50:1

Musambu wa mu mukanda wa misambu ya Asafe. Mvidi Mukulu, Mvidi Mukulu Maweja-Nangila uvua muakule, muele lubila pa buloba. Kumvuikalu kudi diba dibanda ne kudidi dibuelela.

Misambu 50:2

Mvidi Mukulu udi umueneka, bamunyungulule kudi bukenke, mu Siyone, tshimenga tshipite buimpe.

Misambu 55:1

Musambu wa mu mukanda wa mulombodi wa bena misambu. Wa kuimba ne nzenze. Kasala ka mu mukanda wa misambu ya Davide.

Misambu 60:1

Musambu wa mu mukanda wa mulombodi wa misambu. Wa kuimba ne lunzenze. Kasala ka mu mukanda wa misambu ya Davide. Musambu wa kulongesha bantu.

Misambu 69:1

Musambu wa mu mukanda wa mulombodi wa bena misambu ne wa mu mukanda wa misambu ya Davide. Wa kuimba ne nzenze.

Misambu 77:20

Mvidi Mukulu uvua mupande njila mu mayi manene, uvua wendela muinshi mua mayi manene muntu kavua mua kumona dikasa diebe.

Misambu 78:52

Pashishe kutumaye bantu bende, bu tshisumbu tshia mikoku tshidi tshipatuka mu tshikumbi, kuyaye ne bantu bende mu tshipela bu mudi muntu ulombola mikoku yende.

Misambu 78:67

Yeye kuipata ndelanganyi ya Yozefe, kubenga kusungula tshisamba tshia Efrayime,

Misambu 80:19

Nenku, katuena tumuka kuudi to, utulame ne muoyi, netukutendelele amu wewe.

Misambu 80:3

Uleje bukole buebe, ku mesu a bisamba ebi: tshia Efrayime, tshia Binyamine, ne tshia Menashe utuakidile, utupandishe.

Misambu 80:7

Udi mutukebeshe matandu kudi bena mutumba, baluishi betu badi batulembakaja.

Misambu 94:1

Eyi, Maweja-Nangila, Mvidi Mukulu, udi usombuela bantu. Mvidi Mukulu udi usombuela bantu, patuka.

Misambu 99:1

Maweja-Nangila udi mukalenga, bantu badi bazakala. Nkuasa wende wa bukalenga udi pa mutu pa batumibue bende badi bashale mu diulu, buloba budi butenkakana.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 60:1

Yerushalayime, juka, ukenke bu diba! Bualu meme ndi mfika, meme butoke buebe. Lumu lua Maweja-Nangila nelukutokeshe, bu diba ditshidi dipatukilaku.

Yeshaya 63:11

Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?

Yezekiyele 1:13

Munkatshi mua nyama inayi, muvua mumueneka bu makala a kapia akenka, bu bimunyi. Kapia kavua kakole, kavua kapenya.

Yezekiyele 10:4

Butumbi bua Maweja-Nangila kumuka pa bakerubine, kubuka, kuya kuikila ku tshibuelelu tshia nzubu wa Mvidi Mukulu. Divuba kuwula mu nzubu wa Mvidi Mukulu tente. Butumbi bua Mvidi Mukulu buvua bumueneka mu lupangu lua nzubu wa Mvidi Mukulu, bukenka bikole.

Yezekiyele 34:23

Nenteke muntu anu umue bua kuikalaye mulami wa mikoku yanyi. Yeye neayilame bimpe bu muvua Davide wanyi wenza.

Yezekiyele 43:2

Diba adi meme kumona butumbi bua Mvidi Mukulu wa Izrayele bufume ku luseke ludi diba dipatukila. Diyi dia Mvidi Mukulu dikole, bu mutoyi wa mayi manene, divua dienda kumpala kuabu. Butumbi abu buvua butokesha kabidi buloba ne nkenka yabu.

Danyele 9:17

Maweja-Nangila, Mvidi Mukulu wetu, teleja ditendelela ne dikusengelela dianyi. Bua banemeke dina diebe, utangile ne kalolu muaba webe wa tshijila udibu banyanga.

Yowanane 10:14

Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.

Dielulula 33:2

Maweja-Nangila mmufume ku mukuna wa Sinayi, mmujuke mu ditunga dia Seyire, bu diba, mmubande pa mukuna wa Parane, bua kuleja bantu butumbi buende. Batumibue binunu badi benda nende. Mmufike kudi bena diende, mukuate ku bianza mikenji idi ikenka bu kapia.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

1 Petro 2:25

Bualu nuvua bu mikoku mipambuke njila. Kadi mpindiewu mbanupingaje kudi mulami udi mua kunuludika mu njila, kulama mioyi yenu.

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

1 Samuele 4:4

Bena Izrayele kutuma bantu ku Silo, bua kuangata mushete wa tshijila wa Maweja-Nangila Mvidi Mukulu wa biluilu bia bena Izrayele, udi usomba pa mutu pa bakerubine. Ofni ne Pinhase, bana ba balume babidi ba mutuangaji Eli, ke bavua benda pabuipi ne mushete wa ndondu.