Misambu 79:4 - MUKANDA WA MYIDI MUKULU

⁴ Tuetu aba, bena mutumba badi batupenda, badi netu pabuipi badi batulembakaja.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Tuakulua bu tshintu tshia kulondabo kudi bena mutumba nʼetu, tuakulua bintu bia kubuidia ne kuseka kudi badi batunyunguluka.

Misambu 79:4 교차 참조

1 Bakalenga 9:7

nennuipate mu buloba bumvua munupe. Nengumuke mu nzubu ewu, undi mujidile bua nuenu kuntendelelamu. Nanku, bantu ba bisamba bikuabu nebanuseke miaba yonsu, banuele bibingu.

Nehemya 1:3

Kungambilabu ne: — Bantu bavua mu bupika. mbasombe mu ditunga dia bena Yuda. Kadi badi mu dikenga dinene. Kabidi bantu badi babapeja bikole. Bimana bia tshimenga tshia Yerushalayime mbiupuke miaba mivule. Biibi biatshi mbiosha ne kapia.

Nehemya 2:19

Kadi, Sanebalate, muena Orone, Tobiya, muena Amone, uvua umuambuluisha, ne Ngesheme, muena Arabe, kutusekabu. Kutusendekabu, bakonka ne: — Tshinudi nuenza ntshinyi? Nudi basue kutombokela mukalenga wa bakalenga anyi?

Misambu 80:6

Udi mukutshishe bantu bebe ne kanyinganyinga, kukuatshikabu binsonji makopu tente.

Misambu 89:41

Udi mupule bimana biende bionsu bia kudilama nabi, udi mubutule bimana biende, bia kukolesha nabi musoku.

Yeshaya 43:28

Nenku, ndi mudiombole batuangaji badi bakuata mudimu mu nzubu wanyi. Mvua mubutule tshisamba tshia Yakobe. Ndi muanyishe, bua bena lukuna abu bapende bena Izrayele.

Yirmeya 24:9

Nanku bantu ba mu matunga onsu a pa buloba, pamonabu bionsu abi nebakeme bikole, bakuatshike bowa. Miaba yonsu indi mbatangalaja, bantu nebabaseke, babapende. Nebasake misambu, batela dikenga diabu bua tshilejilu tshia dikenga dinene. Bantu nebabatshipe.

Yirmeya 25:18

Meme kutuadija kunuisha bena mu Yerushalayime, bena mu bimenga bia Yuda, bakalenga ba balombodi ba mu bukalenga, bua kubabutula bonsu. Ditunga diabu ndishale lubuwa. Bionsu ebi, nebikemeshe bantu. Nebibeleshe bibingu. Nanku bantu nebatshipe batela tshilejilu tshiabu.

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Yirmeya 51:51

Tuvua ne bundu bua bungi patuvua tunwua bipendu! Tuvua ne bundu patuvua bamone bantu ba bisamba bikuabu, babuele mu muaba wa tshijila mu nzubu wa Maweja-Nangila.

Muadi 1:11

Bantu bende badi batua mikemu, bateketa mu maboku, bakeba tshiakudia. Bavua bashintakaja bintu bia mushinga mukole ku biakudia, bua kupetabu bukole. Yerushalayime udi utendelela, wamba ne: “Maweja-Nangila, tangila, umone mudibu bampetula bikole.”

Muadi 5:1

Maweja-Nangila, kupu muoyi malu adi matuenzekele. Tangila, umone mudibu batupenda.

Yezekiyele 22:5

Ukadi ne lumu lubi. Ditunga diebe ndia tshimvundu. Matunga adi kule ne matunga adi pabuipi neakuseke.

Yezekiyele 35:12

Nanku nenumanye ne: meme Maweja-Nangila ndi mumvue bipendu bienu panuvua nuamba ne: ‘Mikuna ya Izrayele nyetu! Ikadi minyanguke, nanku netuyikuate!’ ”

Yezekiyele 36:15

Kanuakumvua kabidi mudi bisamba bikuabu binuseka, binupetula. Nanku ditunga dienu kadiena dishipesha kabidi bana benu to. Meme Maweja-Nangila Mvidi Mukulu, ndi njadika nanku.”

Yezekiyele 36:3

Ke pandi nkulomba, wewe Yezekiyele, bua umanyishe bena Izrayele bindi nkuambila. Ndi musue kubambila ne: “Ndi mumone ne: nseke yonsu badi baluisha mikuna ya Izrayele, bakeba kuyikuata. Ikadi mu bianza bia bantu ba bisamba bia bantu benyi, badi bayipenda, bayiseka.”

Danyele 9:16

Maweja-Nangila, utuenzele tshiakabidi malu mempe. Lekela tshiji tshiudi mukuatshile Yerushalayime, tshimenga tshiebe, mukuna webe wa tshijila. Bua bilema bietu ne bua mibi ya batatuetu, matunga onsu adi netu mutumba adi amu apenda Yerushalayime ne tshisamba tshiebe.

Sefanya 3:18

Maweja-Nangila udi wamba ne: “Nenjikije dikenga dienu, nennumushe bundu.

Zekâya 8:13

Nuenu bena mu bukalenga bua Yuda ne bua Izrayele, nuvua tshilejilu tshia bantu batshipa munkatshi mua bisamba bikuabu. Mpindiewu ndi nnusungidila, nenuikale tshilejilu tshia badibu bela lupemba. Kanutshinyi kabidi! Kolayi muoyi!”

Dielulula 28:37

Bena mu matunga ikale Maweja-Nangila munutume, nebakuatshike bonsu bowa, bua bionsu bidi binuenzekela. Nebishale bu nsumuinu, bantu bonsu banuseka.