Misambu 79:3 - MUKANDA WA MYIDI MUKULU

³ Bitalu bia bakulamatshi bebe bidi panshi, miaba yonsu mu Yerushalayime, kakuyi muntu udi mua kubijika.

Mukanda wa Nzambi Dihungila Dikulukulu ne Dihungila Dihia-dihia 2003

³ Biakamatabisha mashi abo bu mai mu miaba idi minyunguluke Yelushalema, kakuakadi wa kubajika.

Misambu 79:3 교차 참조

Misambu 141:7

Bu mudi mutanta upandika mu buloba, kandondu ka bafue nekunzulule mukana muaku, bua kubakula mifuba yabu ikale mitangalake.

Misambu 79:10

Bantu benyi badi batukonka ne: “Mvidi Mukulu wabu udi wenza tshinyi?” Kadi bamanye ne: tudi basue kumona muudi usombuela, bua lufu lua bena mudimu bebe.

Yirmeya 14:16

Kadi bantu bavuabu bambila malu nebafuile mu misesu ya mu Yerushalayime, ku mvita ne ku tshiyole tshia nzala. Kakuena muntu udi mua kujika bitalu biabu, nansha bia bakaji babu, nansha bia bana babu ba balume, nansha bia bana babu ba bakaji. Nanku nembanyoke bua malu mabi avuabu benze.

Yirmeya 15:3

Maweja-Nangila udi wamba ne: nembakengeshe mishindu inayi: muele wa mvita neubashipe, mbua neyikoke bitalu iye nabi kule, nyunyi ya mikanku neizokole bitalu, nyama ya mibuabua neidie bionsu bidi bishale.

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yirmeya 25:33

Dituku dikale malu aa mua kuenzeka, kakuakuila muntu nansha umue pa buloba bujima udi mua kudila bantu badi Maweja-Nangila ushipa. Kakuakuila muntu udi mua kuambula bitalu biabu bua kubajika. Nebishale panshi bu bufuke budi bufukisha buloba.

Yirmeya 34:20

Nanku nembafile kudi bantu badi bajinga kubashipa. Nyunyi ya mikanku ne nyama ya mibuabua neyidie bitalu biabu.

Sefanya 1:17

Maweja-Nangila udi wamba ne: “Nembueje bantu mu dikenga, nebababate mudi bampofu benza, bualu bavua bangenzela malu mabi. Mashi abu neatangalake miaba yonsu, bu mudi lupuishi. Bitalu biabu nebibole, mudi bintu bidibu bela ku dyala.”

Matayi 23:35

Nanku nenupie tshibawu tshia bantu bonsu ba pa buloba, bavuabu bashipe kapayi bualu, bituadije ku Abele, muntu muimpe uvua muitabe Mvidi Mukulu, too ne ku Zekarya, muana wa Barakiya, unuvua bashipele pankatshi pa muaba wa tshijila ne tshilambuilu.

Rome 8:36

Bu mudi Mukanda wa tshijila wamba ne: “Bu mutudi bebe, tudi mu njiwu ya lufu dituku dijima. Badi batutangila bu mikoku idibu mua kuya nayi bua bayishipe.”

Didimanyisha 11:9

Bantu ba bisamba, meku, miakulu, ne matunga onsu, nebaye kumona bitalu biabu matuku asatu ne tshitupa. Kabakuanyisha bua babijike nansha.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.

Didimanyisha 18:24

Bavua banyoka Babilone, bualu badi basangane mu tshimenga etshi mashi a bambi, ne a bantu bakuabu ba Mvidi Mukulu. Eyowa, mashi a bonsu bavuabu bashipe pa buloba adi pambidi pende.