Misambu 78:10 - MUKANDA WA MYIDI MUKULU

¹⁰ Kabavua banemeka ndondu uvuabu batue ne Mvidi Mukulu, bavua babenga mua kulonda mikenji yende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kabakatumikila mei a tshihungidi tshia Nzambi, bakabenga kuenda mu mikenji yandi.

Misambu 78:10 교차 참조

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

Ekesode 16:28

Maweja-Nangila kukonka Moshe ne: — Bena Izrayele nebabenge kuitaba meyi anyi ne mikenji yanyi too ne ku diba kaayi?

Yirmeya 31:32

Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.

Yezekiyele 20:21

Kadi bana babu kabidi bavua bantombokela. Kabavua bakumbaje mikenji yanyi. Kabavua balame meyi anyi adi afikisha muntu udi walama ku muoyi. Bavua banyanga dituku dia Dikisha. Diba adi, mvua mujadike ne: nembanyoke ne tshiji. Ndi musue kubajikijilatshi mu tshipela.

Dielulula 31:16

Maweja-Nangila kudianjila kumanyisha Moshe ne: — Ukadi pa kufua. Kunyima kua lufu luebe bena Izrayele nebatendelele mvidie idibu batendelela kudi bantu benyi badi mu ditunga dinuabuela. Bena Izrayele nebambenge. Nebanyangakaje ndondu umvua mutue nabu.

Dielulula 31:20

Nanku meme nemfikishe bena Izrayele mu ditunga didi ne biakudia bia bungi, dimvua mulaye bankambua babu, bua badie batshionkomoka. Nebikalemu ne disanka. Kadi nebampeje, nebatendelele mvidie ya bantu benyi. Nebanyangakaje ndondu umvua mutue nabu.