Misambu 76:7 - MUKANDA WA MYIDI MUKULU

⁷ Mvidi Mukulu wa Yakobe, pauvua mukanyine nyama ya tubalu, ne badi babandapu, bapangi bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wewe, wewe hebe, udi ukuatshisha bantu buowa; nganyi udi mumanye mua kuimana ku mpala kuebe hawakuata tshiji?

Misambu 76:7 교차 참조

1 Kulondolola 16:25

Maweja-Nangila udi munene, wa kutumbisha bipite, wa kutshina ku mutu kua mvidie yonsu.

Ezela 9:15

Lelu, Maweja-Nangila Mvidi Mukulu wa Izrayele, bu muudi ne luse, udi muanyishe bua bamue ba kutudi bashale ne muoyi. Tudi bimane kumpala kuebe, tuetu bena mibi. Kadi bu wewe kuyi ne luse, muntu nansha umue kavua mua kuimana kumpala kuebe ne bubi bua mushindu ewu.”

Misambu 130:3

Maweja-Nangila, wewe mutangile bilema bietu, udi mua kupanda nnganyi?

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Misambu 90:11

Udi mumanye bukole bua tshiji tshiebe nnganyi? Nganyi watshina kapia ka dibinduluka diabe?

Ekesode 15:1

Pashishe, Moshe ne bena Izrayele kuimbila Maweja-Nangila musambu, bamba ne: Nengimbile Maweja-Nangila musambu: mmuleje bukole budiye nabu! Mmubutule mu mayi tubalu ne bavua babandapu.

Ekesode 15:4

Udi mubutule mu mayi manene, matempu ne biluilu bia mukalenga wa bena Ejipitu. Kubutulaye bilobu bia mukalenga wa bena Ejipitu, bajimine mu Mayi manene makunze.

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Didimanyisha 14:7

Uvua wamba ne diyi dikole ne: “Tshinayi Mvidi Mukulu, mutumbishayi! Bualu diba didiye ulumbuluisha bantu ndimane kukumbana. Kukuilayi Mufuki wa diulu, wa buloba, wa mayi manene, ne wa mpokolu ya mayi.”

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”