Misambu 75:2 - MUKANDA WA MYIDI MUKULU

² Mvidi Mukulu wetu, tudi tukutumbisha, tukuela tuasakidila, tumanyisha bantu bukole buudi nabu, ubalondela malu a dikema auvua muenze.

Mukanda wa Nzambi Dihungila Dikulukulu ne Dihungila Dihia-dihia 2003

² Hanafika ku tshikondo tshinakusungula, meme muine nendumbuluishe bantu ne kulumbulula kuakane.

Misambu 75:2 교차 참조

2 Samuele 2:4

Ke bena Yuda kufika mu Ebrone bua kujidila Davide bua ikala mukalenga wa bena Yuda. Bantu bamane kuambila Davide ne: Bena mu tshimenga tshia Yabeshe mu Ngilaade mbajike Shawule,

2 Samuele 5:3

Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

2 Samuele 8:15

Davide kudia bukalenga mu Izrayele mujima. Uvua ubalumbuluisha amu bimpe, kayi ne kansungansunga.

Misambu 101:2

Ndi nnanukila bua kulonga, njila wa nsombelu muakane. Wewe neufike kundi difuku kaayi? Nengende ne muoyi muakane, munkatshi mua bantu badi bannyunguluka.

Misambu 102:13

Kadi wewe, Maweja-Nangila, udi mukalenga wa kashidi, udi Mvidi Mukulu wa bikondu bionsu.

Muambi 3:17

Mvua muele meji mu muoyi wanyi ne: Mvidi Mukulu nealumbuluishe muntu muimpe bu mudiye ulumbuluisha muntu mubi, bualu tshintu tshionsu tshidi tshienzeka tshikondu tshiatshi, kabidi malu onsu atudi tuenza Mvidi Mukulu mmuamone.

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Yowanane 7:6

Yezu kubambila ne: — Dianyi diba kadiena dianji kufika to. Kadi buenu nuenu, diba dionsu ndimpe.

Bienzedi 1:7

Yezu kubandamuna ne: — Tatu ke udi ujadika meba ne bikondu ku bumfumu buende. Nuenu kanuena ne bua kubimanya to.

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!