Misambu 72:16 - MUKANDA WA MYIDI MUKULU

¹⁶ Ntete ya kuenza bukula, ivulangane mu ditunga. Biakudia bitoloke bia bungi mu mikuna, bisampile bu mu mikuna ya Lebanone, biele miepu bungi bu bisosa bia mu mpata!

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Blé ikale mivule ha buloba, tô ne ha mitu ha mikuna, miehu yai ihehe bu mudi mitshi ya mu Lebanona iheha. Bantu bavulangane mu musoko, badiunde bu mudi mashinde a ha buloba adiunda.

Misambu 72:16 교차 참조

1 Bakalenga 4:20

Bena Izrayele ne bena Yuda bavua bungi bu lusenga ludi ku muelelu wa mayi manene, ludi muntu kayi mua kubala. Kadi bavua ne biakudia ne bia kunua bia bungi, basomba anu ne disanka.

Yobe 5:25

Neumone ndelanganyi yebe ivulangana, bu bisosa bia mu mpata.

Yobe 8:7

Bintu biebe bia kale biuvua nabi, nebimueneke bu bikese. Paudi ubifuanyikija ne bipiabipia biudi mua kupeta.

Misambu 104:16

Maweja-Nangila, nansha mitshi idi mipite bunene, idi ne mayi adiyi ikengela, se mmitshi ya sedre ya mu Lebanone, iuvua mukune.

Misambu 72:6

Bukalenga buende bulengelele bantu, bu mudi mvula uloka mu madimi, walengeja, bu mudi mvula wa mudimbi utotesha buloba, ubufukisha.

Yeshaya 29:17

Telejayi: Nkushale matuku amu makese, ditu dia Lebanone nediandamuke lupangu lua mitshi ya bimuma. Lupangu lua mitshi ya bimuma, neluandamuke ditu.

Yeshaya 30:23

Maweja-Nangila neanulokeshile, mvula bua maminu, anudi bakuna mu buloba, atoloke bimpe. Nenku nenunowe pa madimi enu ntete mivule, kabidi mimpe. Dituku adi, bimuna bienu nebikale ne biakudia bivule mu mpata mialabale.

Yeshaya 32:15

Dituku dikuabu, Maweja-Nangila, neatutumine Mueyelu wende. Nenku, madimi avua kaayi akuama bintu, neandamuke malaba mafuke a mitshi. Mitshi ya bimuma neikale bungi bu mitshi ya muitu!

Yeshaya 32:20

Kadi bantu ba Maweja-Nangila nebikale bena diakalenga. Nebakune biakudia biabu ne disanka, bualu mayi neikale mavule. Ngombe ne mpunde nebiendakane miaba yonsu kakuyi bualu, bua bungi bua biakudia bidi mu ditunga.

Yeshaya 35:2

bilenga bu kapapankole! Eyowa, ditunga dimeneshe bilongu, disangale, diele mbila ya disanka! Maweja-Nangila neadipeshe buimpe bua mikuna ya Lebanone, bulenga bua mukuna wa Karmele, ne bua mpata wa Sarone. Nenku bantu bonsu nebamone butumbi bua Maweja-Nangila, buneme bua Mvidi Mukulu wetu.

Yirmeya 33:22

Nemvudije ndelanganyi ya muntu wanyi Davide ne ndelanganyi ya Levi, badi bangenzela mudimu wa butuangaji. Nebikale bavule bu mitotu ya mulu idibu kabayi mua kubala, nansha bu lusenga ludi ku muelelu wa mayi manene ludi bantu kabayi mua kubala.

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Bienzedi 2:41

Bantu ba bungi kuitaba miaku ya Petro ayi. Kubatuabu mu mayi. Dituku adi, bantu bu binunu bisatu kubuela mu tshisumbu tshia bena ditaba.

Bienzedi 4:4

Kadi bantu ba bungi bavua bumvue dilongesha edi, kuitababu. Bena ditaba bakavua bu binunu bitanu.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.