Misambu 71:16 - MUKANDA WA MYIDI MUKULU

¹⁶ Maweja-Nangila, Mvidi Mukulu wanyi, nemmanyishe bantu muudi ne bukole, muudi Wewe nkayebe wenza bionsu amu biakane.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nendue ne mei bua bienzedi binene bia Mukelenge Yehowa, nengambile bantu bua buakane buebe, bua buakane buebe nkayabu.

Misambu 71:16 교차 참조

Misambu 106:2

Udi mua kuambila bantu malu a bulobu bua Maweja-Nangila, ne kubaleja butumbi buende nnganyi?

Misambu 29:11

Maweja-Nangila apeshe bantu bende bukole, abele lupemba, abasombeshe mu bupole.

Misambu 51:14

Nsanke tshiakabidi, bualu udi mumpandishe. Umpe muoyi wa kukutumikila.

Misambu 71:15

Dituku dijima nengambile bantu muudi ukumbaja biuvua mulaye. Nembalondele muudi utusungidila, utuenzela bilenga kabiyi kubala.

Misambu 71:19

Mvidi Mukulu, buakane buebe budi butua mulu, butua panshi. Udi muenze malu a dikema! Mvidi Mukulu wanyi, kakuena udi mufuanangane nebe.

Misambu 71:2

Bu muudi ukumbaja malaya ebe, unsungidile, mupikule. Unteleje ne ntema, umpandishe.

Misambu 71:24

Bu muudi ukumbaja malaya ebe, nenkutumbishe buatshia buila. Bonsu bavua bakeba kumbutula, bundu bubakuate, bupuke lumu.

Yeshaya 26:13

Maweja-Nangila Mvidi Mukulu wetu, tuvua ne bamfumu bakuabu. Kadi wewe nkayebe, ke utudi tuvuluka.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Zekâya 10:12

Nenkankamike bantu banyi, nebenze amu malu adi andengelela. Meme Maweja-Nangila, ndi ngamba nanku.”

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Rome 10:3

Bualu kabavua bajingulula mushindu udi Mvidi Mukulu ubingisha bantu kumpala kuende nansha. Bavua bakeba kudibingisha nkayabu mushindu wabu. Nanku kabena bitabe mushindu udi Mvidi Mukulu ubingisha bantu nansha.

Rome 3:21

Kadi lelu, Mvidi Mukulu mmutuleje mudiye utubingisha kumpala kuende, kabiyi bua dikumbaja dia mikenji. Mikenji ne bambi bivua bimane kujadika ne:

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Efeze 6:10

Nanku, kebayi bukole pa kudisanga ne Mfumu, bualu buende mbupite!

Dielulula 33:25

Tshiibi tshia mu tshimenga tshia bena Ashere, nebatshikange ne milonda ya tshiamu tshikunze. Bena Ashere badi basombamu bimpe, ne bukolematuku onsu atshidibu ne muoyi panu.”

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

2 Tesalonike 1:6

Bualu Mvidi Mukulu neenze amu bidi bimpe. Neakengeshe badi banukengesha.

2 Timote 2:1

Muananyi, utantamane mu dinanga dia Mvidi Mukulu ditudi nadi patudi tudisanga ne Yezu Kristu.