Misambu 7:2 - MUKANDA WA MYIDI MUKULU

² Maweja-Nangila Mvidi Mukulu wanyi, ndi nyemena kuudi. Umpandishe, unsungile kudi bonsu badi bankengesha.

Mukanda wa Nzambi Dihungila Dikulukulu ne Dihungila Dihia-dihia 2003

² Bua kabampandi bu mudi nyama wa ntambue mua kuenza, badi bantuanya bihesa bihesa handi tshiyi ne musungidi.

Misambu 7:2 교차 참조

2 Samuele 14:6

Mvua mushale ne bana ba balume babidi. Bana abu, mbaye kuluangana mvita ku budimi. Umue kushipa mukuabu, bualu kakuvua muntu bua kubasunga to.

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Misambu 10:9

Udi ulala muaba musokome, utentekela bu ntambue, mualamine mupele bua kumukuata. Udi ukoka muena dikenga, umukuata mu bukondu.

Misambu 11:1

Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

Misambu 16:1

Kasala ka mu mukanda wa misambu ya Davide. Mvidi Mukulu wanyi, undame, ndi nyemena kuudi.

Misambu 17:12

Badi bangalamina mu tshisuku bu ntambue, bakeba kunsunsula bu nyama ya lonji.

Misambu 22:13

Baluishi bavule mbanjingile, bangela munkatshi, bu ngombe milume ya lonji ya mu mpata ya Bashane!

Misambu 31:2

Maweja-Nangila, ndi nsokoma kuudi. Unsungidile, kumfuishi bundu, bualu ke tshiuvua mulaye.

Misambu 35:15

Kadi mpindiewu pandi mu dikenga, baluishi banyi badi basanka, badikunguja bua kunseka. Nansha bantu benyi mene, bandi tshiyi mumanye, badi bantuuta, bangela bibingu.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Misambu 59:2

Mvidi Mukulu wanyi, unsungidile kudi baluishi banyi, ungepule kudi badi bankina.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Yeshaya 38:13

Bufuku bujima ndi ngela mbila, mmona ne: Maweja-Nangila mmuzaze mifuba yanyi yonsu, mudi nyama wa ntambue uyiboza, uvinga. — Maweja-Nangila buatshia buila, udi mua kuvua kungangata, kumbutula. —

Dielulula 33:20

Moshe kuela ndelanganyi ya Ngade lupemba, wamba ne: “Maweja-Nangila atumbe! Ke Yeye udi mupeshe bena Ngade ditunga dinene! Bena Ngade mbalale bu nyama wa ntambue, ukeba mua kukuata nyama, kumudia mujima, ne maboku ne mutu!

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

1 Petro 5:8

Ikalayi batabale, nudimuke! Bualu muluishi wenu diabolu udi bu nyama wa ntambue, ukungula, ukeba wa kudiaye.

Balombodi 18:28

Tshimenga tshia Layishe tshivua mu tshibandabanda tshia Bete-Rekobe, mutantshi mule ne Sidone. Bena Layishe kabavua ku bumfumu bua muntu mukuabu to. Ke pavua muntu nansha umue kayi ufika bua kubambuluisha. Bena Dane kuasulula tshimenga atshi, kusombamu.