Misambu 7:13 - MUKANDA WA MYIDI MUKULU

¹³ Padi muluishi kayi udilengeja, udi unona muele wende wa mvita. unana buta buende, uludikila.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Wakumulongoluela bielelu bia nvita bia lufu kabidi; udi ukudimuna mikete yandi hua kuluayi mikete idi ne kahia kasuikaku.

Misambu 7:13 교차 참조

Yobe 6:4

Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Misambu 11:2

— Kadi mona, bantu babi badi banana buta buabu, badi baludikila amu mikete mu miidima bua kushipa bantu badi kabayi ne bualu.

Misambu 144:6

Penya miaba yonsu bu miele ya mvula, tuma mikete yebe miaba yonsu.

Misambu 18:14

Maweja-Nangila kudidisha makubakuba mu diulu. Mvidi Mukulu Muena kulu kuela diyi.

Misambu 45:5

Nana buta, enda diakalenga, banda pa kabalu, uye ku mvita. Uluangane bua buakane, usungidile bapele. Bu muudi ne dikanda, neutshimune baluishi.

Misambu 64:3

Bantu babi mbadisange bua kunduisha, mbangelele bifufu bibi.

Misambu 64:7

Badi bela meji a kuenzelangana bibi, bamba ne: “Bitudi balongolola ebi mbiobi! Amu patudi batekela apa. Bantu ba meji ke mudibu balongolola malu”

Muadi 2:4

Bu muluishi, kunanaye buta buende. Kushalaye mubunane ne diboku diende dia balume. Kudilejaye mudiye muluishi wetu. Kunyangaye bionsu bivua bitulengelela ku mesu. Kuitshikijaye tshiji tshiende bu kapia pa nzubu wa Mvidi Mukulu wa mu Yerushalayime.

Abakuke 3:11

Padi mikete yebe ipitakana lubilu, difuma diebe dikenka, dibalakana, diba ne ngondu bidi bimana, bibuela mu nzubu.

Abakuke 3:13

Kadi udi ufika bua kusungila bantu bebe, ne mukalenga uudi musungule, mujidile. Udi ushipa mukalenga wa tshisamba tshia bena buenzayi, ubutula kashidi bonsu badi bamulonda.

Dielulula 32:23

Ndi musue kubavudijila makenga. Ndi musue kubasa mikete yanyi yonsu.

Dielulula 32:41

Ndi nnona muele wanyi wa mvita, ndi ndumbuluisha bantu, mbanyoka. Ndi musue kusombuela baluishi banyi, kufuta bonsu badi bankina.

Dielulula 32:42

Mikete yanyi neitampakane mashi, muele wanyi neukose munyinyi. Baluishi banyi bonsu nebabutuke, nembakuate; nebatapike mputa.’ ”

2 Tesalonike 1:6

Bualu Mvidi Mukulu neenze amu bidi bimpe. Neakengeshe badi banukengesha.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”