Misambu 66:3 - MUKANDA WA MYIDI MUKULU

³ Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Mukanda wa Nzambi Dihungila Dikulukulu ne Dihungila Dihia-dihia 2003

³ Nuambile Nzambi ne, Mona mudi bienzedi biebe bikuatshisha bantu buowa! Bualu bua bukole buebe budi bunene, badi nʼebe lukuna badi bakukokela ne lubombo.

Misambu 66:3 교차 참조

Yobe 25:2

Mvidi Mukulu udi ne bumfumu ne bukalenga budi bukuatshisha bowa. Udi ufila ditalala too ne mu diulu.

Misambu 18:44

Udi mumpandishe mu bianza bia bantu batomboke, munteke mukalenga wa bisamba. Bantu bamvua tshiyi mumanye, bakadi bantumikila.

Misambu 18:45

Badi bumvua amu muaku wanyi, bitaba. Bantu benyi badi balabidila kundi.

Misambu 47:2

Bisamba bionsu, tutayi nkashi. Nutumbishe Mvidi Mukulu ne mbila ya disanka.

Misambu 65:5

Muena diakalenga mmuntu uudi musungule bua asombe mu nzubu muebe. Netusanke, tutshionkomoka, bua bilenga bipite, bitudi tupeta muaba webe wa tshijila.

Misambu 68:30

Mu Yerushalayime, mu nzubu webe wa tshijila, bakalenga badi bakulambula milambu.

Misambu 76:12

Uditshipe kudi Maweja-Nangila, Mvidi Mukulu webe wenze muuvua mumulaye. Nuenu bonsu badi bamunyunguluke, nufike ne milambu yenu kudi Mvidi Mukulu wa kutshina.

Misambu 81:15

diakamue nentekeshe baluishi babu, nenkume bena lukuna babu.

Ekesode 15:21

Miriyame kuambila bena Izrayele ne: Imbilayi Maweja-Nangila musambu: mmuleje bukole budiye nabu, mmubutule tubalu ne bavua babandapu!

Yeshaya 2:19

Bantu nebabuele mu mbuebue, nebabuele muinshi mua buloba. Nebatshine tshiji tshia Maweja-Nangila, tshidi tshibakuata bowa. Nealeje bunene buende, ne butumbi. Neazakeje buloba bikole.

Yeshaya 25:3

Nanku bantu ba bukitu, nebakutumbishe. Bantu ba mu bimenga bivua bikengesha bantu ne tshikisu, nebakunemeke.

Yeshaya 40:26

Tangila mu diulu muamua. Monayi mudiye mufuke mitotu, muvuaye muyipatule bungi buayi, bu tshiluilu tshia bilobu. Udi muyiteke yonsu bua imukuatshile mudimu. Bu mudiye ne bukole bupite bunene, kabidi ne bumfumu, yonsu idi yitaba diyi diende, padiye uyibikila, uyituma.

Yeshaya 64:3

Katshia kabena banji kumvua bamba, ki mbanji kumanya, mesu katshia ki mmamone mvidie mukuabu udi wambuluisha, bantu badi batekemena kudiye, muudi wewe ubambuluisha.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.