Misambu 65:2 - MUKANDA WA MYIDI MUKULU

² Mvidi Mukulu, Wewe udi usomba mu tshimenga tshia Siyone, mbimpe tukuele tuasakidila, tukumbaje bituvua bakulaye.

Mukanda wa Nzambi Dihungila Dikulukulu ne Dihungila Dihia-dihia 2003

² Wewe udi unvua milombu, bukua bantu bonso nebufike kûdi.

Misambu 65:2 교차 참조

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

1 Bakalenga 18:37

Maweja-Nangila, ungitabe. Ungitabe, bua bantu bamanye ne: wewe Maweja-Nangila ke Mvidi Mukulu mulelela. Nanku, bena Izrayele nebakuitabe kabidi, bu muvuabu bakuitabe kale.

2 Kulondolola 33:13

Uvua umulomba bua amufuile luse. Mvidi Mukulu kuitaba dilomba diende, kumupingaja mu Yerushalayime. Maweja-Nangila kumupingaja kabidi ne mu bukalenga buende. Biangatshile tshikondu atshi, Menashe kumanya ne: anu Maweja-Nangila ke udi Mvidi Mukulu mulelela.

Misambu 102:17

Padi Maweja-Nangila wibakulula Siyone, padiye umueneka mu butumbi buende,

Misambu 116:14

Nenkumbaje bimvua mulaye Maweja-Nangila, bantu bende batangila.

Misambu 116:18

Nenkumbaje bimvua mulaye Maweja-Nangila, bantu bende bonsu batangile,

Misambu 22:27

Ndi mbikila bapela, badie buukute! Bantu badi batendelela Mvidi Mukulu, nebamutumbishe, balale panu, baboboke!

Misambu 66:13

Ndi mbuela mu nzubu webe mukutuadile milambu ya kuosha, bua kukumbaja malaya amvua mukulaye.

Misambu 66:19

Kadi Mvidi Mukulu mmunteleje, mmuitabe ditendelela dianyi.

Misambu 66:4

Maweja-Nangila, bantu bonsu ba pa buloba, bakukukuile, bakuimbile misambu, bakutumbishe!”

Misambu 86:9

Wakafuka bisamba bionsu, nebifike bua kukukukuila, ne kukutumbisha wewe Maweja-Nangila.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Yeshaya 66:23

Maweja-Nangila udi wamba ne: Nenku ku ngondu ku ngondu, dituku dia Dikisha dionsu, bantu ba pa buloba bujima nebafike bua kuntendelela.

Nahume 2:1

Nuenu bena ditunga dia Yuda, tangila muntu udi unuluila pa mikuna, bua kunumanyisha lumu lua disanka lua ne: tudi batshimune baluishi betu, tuapetshi bupole. Enzayi bibilu bienu bia kutendelela, tuadilayi Mvidi Mukulu binuvua bamulaye. Bualu muntu mubi uvua unukengesha awu, kena mua kubuela kabidi ne nwita mu ditunga dienu. Bukole buende bonsu mbujike.

Yowanane 12:32

Kadi meme, pangelabu kulu, nenkoke bantu bonsu kundi.

Bienzedi 10:31

Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele.

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”