Misambu 60:4 - MUKANDA WA MYIDI MUKULU

⁴ Uvua muzakeje buloba, mubueleshe mitanta. Kadi jibikila mitanta, bualu buloba budi mua kupuka.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wakatumikila badi bakunemeka dibendele, bua bobo banyemeneku ku mpala tua buta.

Misambu 60:4 교차 참조

Misambu 20:5

Akupe bionsu biudi ujinga, akumbaje biudi wipatshila!

Misambu 45:4

Tshilobu, suika mukaba, upayike muela. Ke bidi bileja butumbi ne lumu biebe.

Ekesode 17:15

Ke Moshe kuashila Maweja-Nangila tshilambuilu, kutshinyika dina ne: “Maweja-Nangila ke dibendela dianyi.”

Musambu wa Solomo 2:4

Uvua mutufile mu nzubu wa bukalenga wa masanka, mumbandishile dibendele, dibendele dinyika “Dinanga.”

Yeshaya 11:12

Nease dibendele, bua kuvuluija bukua matunga, mudiye musue kusangisha bena Izrayele, bavuabu baye nabu mu bupika, pamue ne bena Yuda bavua bamuangalake ku ntengu ne ntengu ya buloba.

Yeshaya 13:2

Maweja-Nangila udi wamba ne: “Asayi dibendele pa mukuna, padi kapayi mitshi. Elayi kabobu ka mvita. Bikilayi bena mvita ne tshianza, bua babuelele ku biibi bia bantu badi badifila ku budisuile buabu.

Yeshaya 49:22

Maweja-Nangila Mvidi Mukulu udi wamba ne: Meme nemmanyishe bakalenga ba matunga, tshidibu ne bua kuenza. Nanku nebapingaje bana bebe ba balume, bambula mu maboku abu. Nebapingaje bana bebe ba bakaji, bambula pa makaya abu.

Yeshaya 5:26

Maweja-Nangila udi wasa tshimanyinu, ubikila tshisamba tshidi kule. Udi wela monzu ku ntengu ya buloba, mudi muntu ubikila mbua. Monayi tshisamba etshi tshidi tshifuma kule, tshienda lukasa lukasa, tshiambuluja bua kufika!

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.