Misambu 6:6 - MUKANDA WA MYIDI MUKULU

⁶ Meme mufue, tshiakukuvuluka kabidi to. Mu kandondu ka bafue wakutumbisha nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kutua kuanyi kua mikemu kudi kuntonda; butuku buonso ndi mpumuna binsonshi bu mai mu bulalu buanyi, ne mu kudila kuanyi ndi mbolesha bulalu buanyi.

Misambu 6:6 교차 참조

Yobe 10:1

Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Yobe 16:20

Kadi meme ndi mutangile amu kudi Mvidi Mukulu, balunda banyi badi banseka, ndi ne binsonji mesu tente.

Yobe 23:2

Tshivua musue bua bantu bumvue mikemu yanyi. Kadi nansha mpindiewu, ntshidi ntua anu mikemu.

Yobe 7:3

Ngondu ya bungi idi ipita, meme ndi amu nkenga bikole. Butuku buonsu ndi amu mu lutatu.

Misambu 115:17

Udi mua kutumbisha Maweja-Nangila nnganyi? — Bafue kabena mua kutumbisha Maweja-Nangila, mbaye mu muaba udibu bapuwa kashidi.

Misambu 30:10

Meme mufue, banjike, neupete tshinyi? Muntu mumane kushala lupuishi, udi mua kukusamuna, nansha kuambila bantu muudi ukumbaja malaya anyi?

Misambu 38:9

Bukole buonsu mbujimine, ngenda mukobame. Muoyi udi undubakana munda.

Misambu 39:12

Paudi unyoka muntu bua bilema biende, udi umulengeja. Kadi udi umusha bionsu bidi muntu unanga, bu mudi tshishi tshidia tshimuma. Bushuwa, muntu udi amu bu lupepele.

Misambu 42:3

Muoyi wanyi udi ne nyota ya Mvidi Mukulu, ya Mvidi Mukulu wa muoyi. Ndiba kaayi dingabuela mu nzubu wa Mvidi Mukulu, bua kumueneka kumpala kuende, kumutendelela.

Misambu 69:3

Ndi mudine mu lunteka ludi kaluyi ne muaba wa kuimana. Ndi munkatshi mua dilembua, mayi ampuekesha.

Misambu 88:11

Udi mua kuenzela bafue bualu bua kukema anyi? Bafue badi mua kujuka ku bafue bua kukutumbisha anyi?

Misambu 88:9

Udi mungipatshile banyi balunda, ndi muenze tshintu tshibipe kudibu. Ndi muinjidile mu nzubu kudi makenga, tshiena mua kumupatuka.

Yeshaya 38:18

Mu kandondu ka bafue kabena bakutumbisha. Bitalu kabiena bikuela bikashi! Badi bapueka mu kandondu, kabatshiena bakutekemena bua ubavuluke.

Yirmeya 14:17

Wambile bantu abu ne: Ndi ndila, mpuekesha binsonji, tshiyi ndekela butuku ne munya. Bualu bantu banyi mbabutuke bibi, mbapete mputa mupite bunene.

Muadi 1:16

Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Luke 7:38

Kuimanaye panyima pa Yezu, ku makasa ende. Uvua udila, ubolesha makasa a Yezu ne binsonji. Uvua wakupula ne nsuki yende, watua mishiku, walaba manananshi.