Misambu 59:5 - MUKANDA WA MYIDI MUKULU

⁵ Badi bafike lubilu bua kunduisha, nansha meme tshiyi muenze bibi. Maweja-Nangila, tabuluka vuakunu, tangila bidibu bangenzela.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wewe muine Yehowa, Nzambi wa misumba, udi Nzambi wa Isalele. Juka bua kukengesha bisamba bionso bia bantu; kufuidi umue wa batungidi aba luse.

Misambu 59:5 교차 참조

Genese 33:20

Kuasaye tshilambuilu muaba awu, kutshinyika ne: Ele, mmomumue ne Mvidi Mukulu wa bena Izrayele.

Misambu 54:3

Mvidi Mukulu wanyi, umpandishe bua bantu banemeke dina diebe. Umbingishe, bualu udi ne bukole bua kuenza nanku.

Misambu 55:15

Tuvua tuyukila nebe malu onsu patoke, tusanke, tuya ne muoyi umue mu nzubu wa Mvidi Mukulu bua tshibilu.

Misambu 7:7

Maweja-Nangila, juka panshi, tshiji tshiebe tshilunduke. Imana pankatshi petu ne bena tshikisu badi bankengesha. Undumbuluile, bualu wewe udi ukosa nsambu pa yoyi.

Misambu 80:4

Mvidi Mukulu, utulongeshe, utupingaje kuudi, nanku netupande.

Misambu 84:8

Badi bapeta bukole padibu baya, bua umueneka kumpala kua Mvidi Mukulu mu Siyone.

Misambu 9:15

Nenku nemmanyishe bantu badi basangile mu Siyone, mundi nkutumbisha bua bionsu biuvua mungenzele. Nengele mbila ya disanka bualu uvua mumpandishe.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Yeshaya 1:10

Nuenu bamfumu ba mu Yerushalayime, nudi bafuanangane ne bena tshimenga tshia Sodome. Telejayi bimpe tshidi Maweja-Nangila wamba! Nuenu kabidi bantu babi, badi bafuanangane ne bena Ngomore. umvuayi mudi Mvidi Mukulu wetu unubela ne:

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yirmeya 18:23

Wewe Maweja-Nangila udi mumanye bionsu, bidibu benza bua kunshipesha. Kuena mua kubafuila luse. Kuena mua kulengulula bilema biabu. Ubele panshi, ubaleje tshiji tshiebe!

Danyele 6:7

Nanshabu kujingakana. Bamfumu babidi ne balombodi ba ditunga kuya kudi mukalenga wa bakalenga, kumuambila ne: — Mukalenga wa bakalenga Daryaveshe, kuata ku mundundu!

Amosa 9:7

Maweja-Nangila udi wamba ne: “Bena Izrayele, nudi nuela meji ne: mushinga wenu ku mesu anyi, udi upita wa bena Kushe anyi? Nudi nuamba bimpe ne: ndi munupatule mu Ejipitu! Kadi bena Peleshete tshiena mubapatule mu Kaftore, ne bena Arame mu Kire anyi?”

Rome 9:6

Kadi tshiena musue kuamba ne: bivua Mvidi Mukulu mulaye, kena mubikumbaje nansha. Bualu bantu ba ku ndelanganyi ya Izrayele, kabena bonsu bena Izrayele balelela to.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.