Misambu 51:10 - MUKANDA WA MYIDI MUKULU

¹⁰ Ungambile muudi mumfuile luse, bua ngende kabidi ne musangelu. Nansha wewe mumane kunzaza, nensanguluke.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nzambi, unfukile mutshima mutoke munda muanyi, ungenzele nyuma mujalame munda muanyi.

Misambu 51:10 교차 참조

Misambu 24:4

— Ke bena ku muela kakuyi mashi, ba muoyi mutoke, kabayi bela meji mabi, kabayi baditshipa mitshipu ya dishima.

Misambu 35:10

Nengambile Maweja-Nangila muanyi muonsu ne: “Kakuena udi bu wewe. Wewe udi upandisha mupele mu bianza bia baluishi bende, usungidila muena dikenga kudi muena tshinyangu.”

Misambu 73:1

Musambu wa mu mukanda wa misambu ya Asafe. Ndi mumanye ne: Mvidi Mukulu udi unanga Izrayele, nangananga bantu badi bamuitaba.

Misambu 78:37

Kabavua bamulamate nansha, bavua bupule ndondu uvuabu batue nende.

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Nsumuinu 20:9

Muntu kena mua kuamba ne: “Tshiena ne tshilema nansha tshimue. Kondu ka munda muanyi kakena kangasa tshilumbu.”

Yirmeya 13:27

Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Yezekiyele 11:19

Nennupeshe bonsu muoyi wa mushindu umue. Nembueje munda muenu lungenyi lupialupia. Nengumushe muoyi unudi nawu mupape bu dibue. Nennupingajile muoyi wa kalolu.

Yezekiyele 18:31

Lekelayi kuenza malu mabi. Akajayi mioyi yenu, ne lungenyi luenu. Nuenu bena Izrayele nudi basue kufua bua tshinyi?

Yezekiyele 36:37

“Meme Maweja-Nangila Mvidi Mukulu, ndi ngamba ne: Nengitabe bua bena Izrayele basengelele bua meme kubambuluisha. Nembavudije, bikale bungi bu tshisumbu tshia mikoku.

Matayi 5:8

Bantu badi ne muoyi munonoke, ke bena diakalenga, bualu nebamone Mvidi Mukulu!

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 15:9

mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Kolose 3:10

Nuenu kulala muntu mupiamupia, udi udienzulula diba dionsu ku tshimfuanyi tshia Mvidi Mukulu, Mumufuki wende, bua amone mua kumumanya menemene.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

Yakobe 1:8

Bualu muntu udi wela mpata, udi wenda utetuka mu bionsu bidiye wenza.

Yoshua 14:14

Too ne lelu, tshimenga etshi tshidi anu tshia ndelanganyi ya Kalebe, muana wa Yefune, wa mu diku dia Kenaze. Bualu uvua muleje muende muonsu mudiye muitabe Maweja-Nangila Mvidi Mukulu wa bena Izrayele.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.