Misambu 45:3 - MUKANDA WA MYIDI MUKULU

³ Bulenga bua mpala webe mbupite bua bantu bakuabu. Mishiku yebe idi yakula amu miaku ya meji. Mvidi Mukulu mmukuele lupemba kashidi.

Mukanda wa Nzambi Dihungila Dikulukulu ne Dihungila Dihia-dihia 2003

³ Luata muele webe wa nvita ha lubese luebe, wewe muena bukitu; luata butumbi buebe ne buneme buebe.

Misambu 45:3 교차 참조

Yobe 1:16

Muntu awu utshivua wakula, muena mudimu mukuabu kufika kabidi bua kumanyisha ne: “Nkuba mmushipe mikoku ne bena mudimu bebe, mmubioshe bionsu. Amu meme nkayanyi ke udi munyeme bua kukumanyisha bualu ebu.”

Misambu 104:1

Ndi musue kuela Maweja-Nangila tuasakidila! Maweja-Nangila, Mvidi Mukulu wanyi, udi mutambe bunene. Udi muvuale bukenke ne buneme,

Misambu 145:12

Nanku nebamanyishe bukua bantu bukole buebe, ne bukalenga buebe bua lumu.

Misambu 145:5

Nengambile bantu bumfumu buebe, lumu luebe ne butumbi buebe, nembalondele malu a dikema audi muenze.

Misambu 21:5

Uvua mukulombe bua kushala panu, wewe kuitaba, kumupesha matuku mulongulongu.

Misambu 21:7

Uvua mumusankishe kashidi. Paudi pabuipi nende, udi umvua diakalenga.

Misambu 96:6

Udi ukenkesha bunene ne buneme, nzubu wende udi ne bukole ne bukenke bua bungi.

Musambu wa Solomo 2:3

Padi munanga wanyi munkatshi mua bansongalume nende, udi bu mutshi muimpe wa bimuma munkatshi mua mitshi ya ditu. Ndi ne disanka dia kuikisha mu dileji diawu, dia kupola bimuma biawu bisheme.

Musambu wa Solomo 5:13

Matama ende adi bu dibula dinunka bimpe, dikuna bilongu bia mupuya muimpe. Mishiku yende idi yengelela bu bilongu bikunze, mafuta a mire adi azonzaku.

Yeshaya 49:2

Uvua muteke mukana muanyi muaku, uvua ufuanangana ne muele mutue. Udi undama, umbuikila ne tshianza tshiende. Udi mungenze mukete mutue, udiye usokoka mu tshibubu tshiende.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Rome 14:9

Bualu Kristu mmufue, mubike kabidi ku lufu, bua ikale Mfumu wa bafue ne wa badi ne muoyi.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.

Ebrewu 8:1

Bualu butambe bunene butudi tukeba kumvuija, mbobu ebu: tudi ne mutuangaji munene wa nanku udi musombe mu diulu ku dia balume dia nkuasa wa butumbi wa Mvidi Mukulu, wa bukole buonsu.

Yuda 1:25

Mvidi Mukulu umuepele awu uvua mutupandishe kudi Yezu Kristu, Mfumu wetu. Butumbi, bukole, buneme ne bumfumu bidi kudiye, biangatshile ku ntuadijilu wa bidimu, lelu ne kashidi tshiendelele. Amene.

Didimanyisha 1:16

Uvua ne mitotu muanda mutekete mu tshianza tshiende tshia balume. Muele mutue wa nkanza uvua upatuka mukana muende. Mpala wende uvua ukenka bu diba munda munya.

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.

Didimanyisha 19:21

Kushipabu biluilu biabu ku muele uvua upatuka mukana mua uvua mubande pa kabalu. Nyunyi yonsu kudiayi minyinyi yabi.

Balombodi 3:16

Kadi Ekude kuenzeja muele wa mvita wa nkanza, wa bule bua santimetre makumi atanu. Kuusokokaye muinshi mua bilamba biende, ku tshibelu tshiende tshia lua balume.