Misambu 43:2 - MUKANDA WA MYIDI MUKULU

² Bualu wewe, Mvidi Mukulu ke mulami wanyi. Tshiudi mumbengele ntshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?

Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua wewe udi Nzambi wa tshieyemenu tshianyi; wakungumushila tshinyi? Ndi ngenda ndila bua dinkengesha dia muena lukuna bua tshinyi?

Misambu 43:2 교차 참조

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Misambu 140:7

Kadi meme kuambila Maweja-Nangila ne: “Wewe udi Mvidi Mukulu wanyi. Maweja-Nangila unteleje pandi nkutendakena.

Misambu 28:7

Maweja-Nangila udi undama, udi ngabu wanyi. Ndi mmutekemena muanyi muonsu. Bu nuwuaye mungambuluishe, ndi nsanka, ntshionkomoka, ndi musue kumuimbila misambu, kumutumbisha.

Misambu 31:4

Wewe udi lubuebue lundi mua kusokomena. Undombole, undame, bualu ke tshiuvua mulaye.

Misambu 42:10

Nenkonke Mvidi Mukulu, lubuebue luanyi ne: “Udi mumpue muoyi bua tshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?”

Misambu 42:9

Dituku dionsu Maweja-Nangila neangenzele bimpe. Butuku bujima nemmutumbishe, mmuele tuasakidila. Nentendelele Mvidi Mukulu, bualu kudiye ndi mpeta muoyi.

Misambu 44:9

Maweja-Nangila, matuku onsu tudi tukupa lumu. Tudi tutumbisha dina diebe kashidi.

Misambu 71:9

Nkadi mukulumpe, kundekedi to. Tshitshiena ne bukole, kunshiyi nkayanyi.

Misambu 88:15

Maweja-Nangila, udi umbenga bua tshinyi? Bua tshinyi kuena musue kummona?

Misambu 94:14

Maweja-Nangila kena ubenga bantu bende, kena ulekela bumpianyi buende.

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Zekâya 10:12

Nenkankamike bantu banyi, nebenze amu malu adi andengelela. Meme Maweja-Nangila, ndi ngamba nanku.”

Efeze 6:10

Nanku, kebayi bukole pa kudisanga ne Mfumu, bualu buende mbupite!

Filipe 4:13

Bu mudi Kristu unkolesha, ndi mua kupitshila mu bionsu amu bimpe.