Misambu 42:10 - MUKANDA WA MYIDI MUKULU

¹⁰ Nenkonke Mvidi Mukulu, lubuebue luanyi ne: “Udi mumpue muoyi bua tshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bu mudibo batshibula mifuba yanyi, bena lukuna banyi badi bampenda, hatshidibo bankonka dinda tô ne ku dilolo ne, Nzambi webe udi hanyi?

Misambu 42:10 교차 참조

Misambu 42:3

Muoyi wanyi udi ne nyota ya Mvidi Mukulu, ya Mvidi Mukulu wa muoyi. Ndiba kaayi dingabuela mu nzubu wa Mvidi Mukulu, bua kumueneka kumpala kuende, kumutendelela.

Misambu 43:2

Bualu wewe, Mvidi Mukulu ke mulami wanyi. Tshiudi mumbengele ntshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?

Misambu 55:4

Baluishi banyi badi bankanyina, bankeba matandu, banjana. Badi basue kumbueja mu dikenga, bankina, bandondakaja ne tshikisu.

Nsumuinu 12:18

Muena biakulakula udi utapa mputa minene bu ya muele wa mvita. Kadi ludimi lua bantu ba meji ludi bondapa.

Muadi 5:20

Neutupue muoyi, neutubenge matuku onsu atutshidi ne muoyi panu anyi?

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Luke 2:35

Nenku neasokolole meji adi munda mua bantu ba bungi. Wewe kabidi, dikenga nedisompole muoyi webe bu muele.