Misambu 39:12 - MUKANDA WA MYIDI MUKULU

¹² Paudi unyoka muntu bua bilema biende, udi umulengeja. Kadi udi umusha bionsu bidi muntu unanga, bu mudi tshishi tshidia tshimuma. Bushuwa, muntu udi amu bu lupepele.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa, unvua kulomba kuanyi, uteleje matshu ebe ku muadi wanyi. Kuhuwu talalâ nansha bua binsonshi bianyi. Bualu bua ndi muenyi udi nʼebe tshituha, ndi mushikame anu tshituha tshihi, bu muakadi batatu banyi bonso.

Misambu 39:12 교차 참조

Genese 21:34

Abrahame kushala mu ditunga dia bena Peleshete matuku mulongulongu.

Genese 47:9

Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

1 Kulondolola 29:15

Katuena ne diyi dia kuamba kumpala kuebe nansha. Tudi anu bu benyi ne bena luendu, bu muvua bankambua betu. Matuku atudi tusomba pa buloba adi apita bu mundidimbi, katuyi ne ditalala.

Yobe 13:28

Kadi ndi amu bu mutshi mumane kuuma, nansha bu tshilamba tshimana kudia kudi musuasua.

Yobe 16:20

Kadi meme ndi mutangile amu kudi Mvidi Mukulu, balunda banyi badi banseka, ndi ne binsonji mesu tente.

Misambu 102:1

Muena dikenga udi utendelela Mvidi Mukulu, umudidila muadi.

Misambu 116:3

Lufu kunjingila nkanu yalu, bowa bua kandondu ka bafue kunkuata, luzakalu kungenza, muoyi kunshikila.

Misambu 119:19

Ndi muenyi pa buloba, kunsokoki mikenji yebe.

Misambu 119:54

Biudi musue, ke bindi meme muena tshimuangi nsaka mu misambu.

Misambu 56:8

Bantu bamane kuenza bibi nanku, mudibu mua kuenda tshianana, kabayi babanyoka mbishi? Mvidi Mukulu wanyi, baleja tshiji tshiebe, ubabutule!

Misambu 90:9

Matuku etu a panu adi ajika, bualu adi ashikila amu patshidi muntu ukuula muoyi.

Lewitiki 25:23

“Kanuena mua kusumbisha buloba bua kashidi to, bualu buloba mbuanyi meme Maweja-Nangila. Nuenu nudi anu bena tshimuangi, benyi badi basombe mu ditunga dianyi meme.

2 Korente 5:6

Nanku diba dionsu tudi amu bakole muoyi. Tudi bamanye ne: patutshidi tusomba mu mubidi ewu, tudi dishilangana mutantshi ne Mfumu.

Ebrewu 11:13

Bantu bonsu aba, mbafue mu ditaba. Kabavua bapeta bivua Mvidi Mukulu mubalaye. Kadi bavua babimone, bisankisha pa bule, bamba ne: tudi bena tshimuangi ne bena luendu pa buloba.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.