Misambu 33:3 - MUKANDA WA MYIDI MUKULU

³ Imbilayi Maweja-Nangila musambu mupiamupia, numusekelele ne bisanji, numukobuele!

Mukanda wa Nzambi Dihungila Dikulukulu ne Dihungila Dihia-dihia 2003

³ Numuimbile musambu muhia-muhia, numuimbile ne tshimbilu tshimpe ne kuela kua mbila ya disanka.

Misambu 33:3 교차 참조

1 Kulondolola 13:8

Davide ne bena Izrayele bonsu bavua benda basanka muabu muonsu, kumpala kua Mvidi Mukulu. Bavua bimba misambu ne biombelu bia mishindu yonsu: nzenze, ngoma, ndibu ne mpungi.

1 Kulondolola 15:22

Kenaniya, mulombodi wa bena Levi bambudi ba mushete wa ndondu, uvua wenda utangila bambudi ba mushete, bualu uvua mumanye mudimu awu bikole.

1 Kulondolola 25:7

Bena misambu bavua bamanye misambu bimpe abu, ne bantu bakuabu ba mu bisumbu biabu, bavuabu balongesha mua kutumbisha Maweja-Nangila ne misambu, bavua nkama ibidi makumi muanda mukulu ne muanda mukulu.

2 Kulondolola 34:12

Bena mudimu kulongolola midimu yabu yonsu anu bimpe bu muvuabu babaleja kudi bena Levi aba: Yakate ne Obadya, ba mu diku dia Merari; kabidi ne Zekarya ne Meshulame, ba mu diku dia Kekate. Bena Levi bakuabu, bavua bamanye mua kuimba bisanji,

Misambu 144:9

Mvidi Mukulu wanyi, ndi musue kukuimbila musambu mupiamupia, ndi nkusamuna ne lunzenze lua nshinga dikumi:

Misambu 149:1

Tumbishayi Maweja-Nangila, Aleluya! Imbilayi Maweja-Nangila musambu mupiamupia. Bantu batumbishe Maweja-Nangila muaba udi bena diende basangile!

Misambu 40:3

Kumpatulaye mu dijimba dia lufu, mu bitotshi bia lunteke. Kungimanyikaye makasa madiata pa lubuebue, unkolesha mu mikolu.

Misambu 40:4

Kundongeshaye musambu mupiamupia, musambu wa dimutumbisha yeye, Mvidi Mukulu wetu. Ba bungi nebaumvue, batekemena kudiye. Nebajadike mudi Maweja-Nangila ne bumfumu.

Misambu 96:1

Imbilayi Maweja-Nangila, musambu mupiamupia, nuenu bantu ba pa buloba bujima, imbilayi Maweja-Nangila musambu.

Misambu 98:1

Musambu Imbilayi Maweja-Nangila musambu mupiamupia, bualu udi muenze malu a dikema, ne meji ende ne bukole bua bu Mvidi Mukulu buende.

Yeshaya 42:10

Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Efeze 5:19

Nukoleshangane ku muoyi, nuimbilangane misambu, miyenga ne tusala, mudi Mueyelu unusaka bua kuimba. Imbayi, elayi Mfumu tuasakidila ne muoyi wenu mujima.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Didimanyisha 14:3

Bantu aba binunu ne binunu bavua bimane kumpala kua nkuasa wa butumbi, kua Bia muoyi binayi, ne kua bakulu, bimba musambu mupiamupia. Muntu nansha umue kavua mua kulonga musambu awu, amu bantu abu binunu lukama makumi anayi ne binayi bavuabu bapikule, bumushe pa buloba.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.