Misambu 32:6 - MUKANDA WA MYIDI MUKULU

⁶ Ke mudi bantu bebe bonsu mua kukutendelela diba dia dikenga. Nansha babuele ne kasuki mu njiwu minene, badi amu bapanda.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bua bualu ebu muntu yonso udi unanga Nzambi akulombe mu tshikondo tshidiye mumanye mua kukusangana; bulelela, halua mai manene kuhasalala, kaena afika ha buihi nʼandi.

Misambu 32:6 교차 참조

Misambu 144:7

Oluela tshianza tshiebe mu diulu, umpandishe, unsungidile ku njiwu, ku bianza bia bantu ba bisamba bikuabu,

Misambu 4:3

Nuenu aba nenunyange lumu luanyi too ne ku diba kaayi? Nudi nunanga kunshiminyina malu patupu. Nudi nukeba kunjana bua tshinyi?

Misambu 40:3

Kumpatulaye mu dijimba dia lufu, mu bitotshi bia lunteke. Kungimanyikaye makasa madiata pa lubuebue, unkolesha mu mikolu.

Misambu 42:7

Mvidi Mukulu wanyi, muoyi wanyi udi ne dibungama. Ke pandi nkutendelela, nansha meme musombe mutantshi mule ne nzubu webe, mu mikuna ya Ermone, pabuipi ne Mukuna-Muipi, ku mpokolu ya musulu wa Yardene.

Misambu 91:7

Bulelela nansha bipupu ebi bishipa bantu tshinunu pa buipi nebe, nansha bishipa binunu dikumi ku dia balume diebe, bualu nansha bumue kabuena bukuenzekela.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Yeshaya 49:8

Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Yeshaya 55:6

Nuye bonsu kudi Maweja-Nangila, bualu mpindiewu udi munuindile! Numuele lubila, bualu udi pabuipi nenu.

Yowanane 7:34

Nenunkebe, kadi kanuakummona kabidi. Bualu kanuena mua kuya muaba undi to.

2 Korente 1:4

Nansha tuetu bapete makenga a mishindu kaayi, udi utusamba amu kutusamba. Ke mutudi mua kusamba kabidi badi mu makenga mashilangane, ne disambangana didi Mvidi Mukulu mene utusamba nadi.

2 Korente 6:2

Bualu Mvidi Mukulu udi wamba mu Mukanda wa tshijila ne: “Tshikondu tshia kukuleja mundi nkunanga tshimane kufika, ke meme kukuteleja. Dituku dia kukusungidila dimane kufika, ke meme kubambuluisha.” Telejayi! Lelu ke tshikondu tshinudi ne bua kuanyisha bua Mvidi Mukulu anunange, ke dituku didiye mua kunusungidila.

1 Timote 1:16

Ke padi Mvidi Mukulu mumfuile meme luse. Uvua musue bua Yezu adianjile kuleja lutulu luende luonsu kundi meme, muntu mubi mupite bakuabu. Ndi mushale mpindiewu tshilejilu tshidi mua kulongesha bantu bonsu matuku adi kumpala ne: nuenu bitabe Yezu Kristu, nenupete muoyi wa kashidi.

Tite 2:12

Dinanga edi didi ditulongesha mua kuela nyima ku malu mabi, ne ku nkuka ya pa buloba, bua tuikale bena meji, tuenze bidi Mvidi Mukulu musue, tumuitabe.