Misambu 31:2 - MUKANDA WA MYIDI MUKULU

² Maweja-Nangila, ndi nsokoma kuudi. Unsungidile, kumfuishi bundu, bualu ke tshiuvua mulaye.

Mukanda wa Nzambi Dihungila Dikulukulu ne Dihungila Dihia-dihia 2003

² Teleja matshu ebe kundi, umpandishe lubilu! Wikale dibue dia luhandu kundi, wikale musoko wa ngumbu ya nvita bua kunsungila!

Misambu 31:2 교차 참조

2 Samuele 22:3

Mvidi Mukulu wanyi udi lubuebue luanyi, muaba undi musokome tshiyi mua kupeta njiwu. Udi ngabu udi mundame, muaba mukole undi nyemena bua kupanda. Ndi nkeba mua kusokoma pabuipi nende, bua ansungidile ku malu makole onsu.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Misambu 102:2

Maweja-Nangila, teleja mundi nkutendelela, anyisha lubila luanyi.

Misambu 130:2

Teleja lubila luanyi, pandi nkutendakena.

Misambu 143:7

Maweja-Nangila, ungitabe lukasa, ndi mushikile. Kundekedi, tshianana nemfue.

Misambu 25:2

Mvidi Mukulu wanyi, ndi ndifila kuudi. Kumfuishi bundu, bena lukuna banyi kabanseki!

Misambu 40:17

Kadi bantu bebe bonsu basanke bikole bualu buebe. Badi bakunanga wewe, Mupandishi, bakutumbishe matuku onsu, bamba ne: “Maweja-Nangila mmunene!”

Misambu 62:7

Yeye nkayende ke lubuebue luanyi, muaba mukole undi mua kusokomena. Tshiena ntshina tshintu to.

Misambu 69:17

Maweja-Nangila, ungitabe, bualu udi munnange. Amu wewe udi mua kungambuluisha. Bu muudi ne luse luvule, untangile.

Misambu 7:2

Maweja-Nangila Mvidi Mukulu wanyi, ndi nyemena kuudi. Umpandishe, unsungile kudi bonsu badi bankengesha.

Misambu 79:1

Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Misambu 86:1

Ditendelela dia mu mukanda wa misambu ya Davide. Maweja-Nangila, teya ditshi diebe kundi, ungitabe, bualu ndi mupele ne muena dikenga.

Misambu 90:1

Moshe, muntu uvua Mvidi Mukulu mutume, udi utendelela Mvidi Mukulu. Maweja-Nangila, mu bikondu bionsu, wewe ke uvua tshisokomenu tshietu.

Misambu 91:9

Bulelela, Maweja-Nangila, udi tshisokomenu tshiebe, wewe udi musungule Muena kulu bu tshisokomenu tshiebe.

Misambu 94:22

Kadi Maweja-Nangila ke wanyi nzubu mukolesha ne bimana, Mvidi Mukulu wanyi ke dibue dimvua nsokomena.

Nsumuinu 22:17

Teleja umvua bimpe, ndi nkumanyisha miaku mimpe ya bena meji. Uvuluke mu muoyi webe malu andi nkuambila.

Yeshaya 33:16

Muntu awu neasombe talalaa, bu muntu musokome kulu pa mikuna, bu udi unyemena mu mbuebue mikole. Neapetemu tshiakudia, kakupanga mayi a kunua.

Luke 18:8

Ndi nnujadikila ne: neakose nsambu yabu lukasa amu pa yoyi. Kadi pafika Muana wa muntu, neasangane bantu ne ditaba pa buloba anyi?

Yowanane 6:56

Udi udia mubidi wanyi, unua mashi anyi, udi ne muoyi munda muanyi, meme kabidi ndi ne muoyi munda muende.

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.

1 Yone 4:12

Muntu nansha umue kena muanji kumona Mvidi Mukulu. Tuetu banangangane, Mvidi Mukulu udi ushala munda muetu. Nanku dinanga diende nedimueneke menemene munda muetu.