Misambu 30:11 - MUKANDA WA MYIDI MUKULU

¹¹ Maweja-Nangila, teleja, umfuile luse. Maweja-Nangila, ungambuluishe.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Wewe wakungandamuina muadi wanyi bua kuluau kuja kua maja; wakusulula bilulu bianyi bikayabala, wakubinyula, wakunjingila ne mukaba wa disanka;

Misambu 30:11 교차 참조

Genese 37:35

Bana bende ba balume ne bakaji kufika bua kumusamba. Yakobe kubenga, wamba ne: “Ndi ndila amu Yozefe too ne mungafua.” Ke muvua Yakobe mutungunuke ne madilu a muanende Yozefe nanku.

Genese 45:28

Kukemaye kabidi, wamba ne: — Mbikumbane! Yozefe wanyi meme utshidi ne muoyi! Ndi musue kumonangana nende, pantshidi ne muoyi apa.

2 Samuele 6:14

Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

2 Kulondolola 20:12

Maweja-Nangila Mvidi Mukulu wetu, kuena mua kubanyoka anyi? Katuena ne bukole bua kuluangana ne bena mvita aba bungi nenku, badi bavua kutuluisha. Tudi bapange tshia kuenza. Ke patudi batangile kuudi, tukusengelela.

2 Kulondolola 20:3

Yosafate kumvua bowa, ujinga kukonka Maweja-Nangila. Kuambilaye bena Yuda bonsu bua bajile biakudia.

2 Kulondolola 20:9

“Padi dikenga ditukuata, nansha tshipupu, mvita, disama dikole dia tshiambu, nansha tshiyole tshia nzala, netufike anu ku muaba wa tshijila eku, — kuudi wewe, bualu udi musombeku. — Nenumbikile mu dikenga dietu, bua wewe kunteleja, kutuambuluisha.”

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Estere 9:22

Bualu matuku awu, bena Yuda bavua bapete dikisha, kabatshiwa ne muluishi kabidi to. Ngondu awu, dibungama diabu divua diandamuke disanka, dikenga divua diandamuke diakalenga. Nanku bavua ne bua kuenza bibilu ne disanka, batuminangana bintu bia kusankishangana nabi, kupesha bapele bintu.

Misambu 149:3

Bantu batumbishe Maweja-Nangila ne maja, bamuimbile, bamusamune ne lunkombe.

Misambu 150:4

Mutumbishayi ne maja ne ngoma, mutumbishayi ne lunzenze ne nshiba!

Misambu 27:7

Maweja-Nangila, pandi nkubikila, unteleje, umfuile luse, ungitabe.

Misambu 30:5

Nuenu bantu ba Maweja-Nangila, mutumbishayi ne misambu, numusamune, mwuluke mudiye wa tshijila.

Misambu 4:7

Bantu ba bungi badi badiabakena, bamba ne: “Watumuenesha diakalenga nnganyi? Bualu Maweja-Nangila kena ututangila kabidi ne muoyi muimpe!”

Muambi 3:4

Kudi tshikondu tshia kudila muadi, ne tshikondu tshia kuseka, tshikondu tshia kutua mikemu, ne tshikondu tshia kuja maja.

Yeshaya 25:3

Nanku bantu ba bukitu, nebakutumbishe. Bantu ba mu bimenga bivua bikengesha bantu ne tshikisu, nebakunemeke.

Yeshaya 25:8

Maweja-Nangila neajimije lufu kashidi. Maweja-Nangila, Mvidi Mukulu abakupule binsonji bionsu ku mesu abu. Mu ditunga dijima, neumushe kapeja kavuabu bapepeja naku bantu bende. Ke mudi Maweja-Nangila mulaye nanku. Bena Mowabe badi mu dikenga

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yirmeya 31:4

Izrayele wanyi munanga, ndi nkujula tshiakabidi, ndi ngasulula tshimenga tshiebe. Bantu nebimbe ngoma. Nebaje maja, basanka.

Yirmeya 52:33

Uvua mukandike bua Yoyakine kavuadi bilamba bia bena lukanu. Yoyakine uvua udiila mpindiewu anu ku mesa a mukalenga wa bena Babilone.

Luke 15:22

Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

Yowanane 16:20

Ndi nnujadikila ne: nenudile, nuele miyenga, kadi ba pa buloba nebasanke. Nenubungame. Kadi dibungama dienu nediandamuke disanka.

Didimanyisha 21:4

Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’