Misambu 30:1 - MUKANDA WA MYIDI MUKULU

¹ Musambu wa mu mukanda wa misambu ya Davide, wa kuimba dituku didibu bajidila nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa, nenkutumbishe, bualu bua wakutula, kuakuitabusha bua badi nʼanyi lukuna basanke ku mutu kuanyi.

Misambu 30:1 교차 참조

2 Samuele 20:3

Anu mukalenga Davide ufika ku nzubu wende wa bukalenga, kubikidishaye bakaji bende bakuabu dikumi, bavuaye mushiye bua kulama nzubu awu. Kubatekaye mu nzubu umue, kulamabu nzubu awu bikole kudi bena mvita. Davide uvua ubadisha bimpe, kadi katshivua ubabuelela mu nzubu to. Biangatshile tshikondu atshi, kutekaye bakaji abu pa nkayabu too ne ku lufu luabu. Kushalabu bu bakaji bakamba, bayabu mutshikale ne muoyi.

2 Samuele 24:25

Davide kuasa tshilambuilu muaba awu. Kulambulaye Maweja-Nangila milambu ya kuosha ne ya bobumue. Nanku, Maweja-Nangila kufuila bena ditunga luse. Tshipupu tshia disama tshivua tshibakengesha kujikatshi.

2 Samuele 5:11

Irame, mukalenga wa Tire, kutuma bantu kudi Davide, ne mitshi ya sedre kabidi ne bena mabaya ne basongi ba mabue, bua bashile Davide nzubu wa bukalenga.

2 Samuele 6:20

Davide kupingana ku nzubu kuende bua kuela bena diende muoyi. Kadi Mikale, muana wa Shawule, kupatuka bua kusambakena nende. Kumuambilaye ne: — Lelu, mukalenga wa bena Izrayele kavua kabidi ne lumu to. Uvua uja maja bu muntu mutshimbakane, bakaji bapika ba bena mudimu bende bamutangile!

2 Samuele 7:2

Dituku dikuabu, mukalenga Davide kuambila muambi Natane ne: — Meme Davide ndi musombe mu nzubu muasa ne mitshi ya sedre, kadi mushete wa Maweja-Nangila wa tshijila udi anu mu ntenta wa bilamba. Udi wela meji kaayi?

1 Bakalenga 8:63

Bua kubanjija nzubu wa Mvidi Mukulu, Shelomu kulambula milambu ya bobumue: ngombe binunu makumi abidi ne bibidi, mikoku ne mbuji binunu lukama ne makumi abidi.

1 Kulondolola 21:6

Yowabe kawa mubadike tshisamba tshia bena Levi ne tshia bena Binyamine, pamue ne bisamba bikuabu to. Bualu diyi dia mukalenga kadivua dimusankisha nansha.

Misambu 13:4

Maweja-Nangila, Mvidi Mukulu wanyi, untangile, ungandamune, umpingajile bukole. Tshianana, ndi mua kufua.

Misambu 140:8

Maweja-Nangila Mvidi Mukulu, wewe ke bukole buanyi budi bundama, wewe ke udi ulama mutu wanyi diba dia mvita.

Misambu 145:1

Musambu wamu mukanda wa misambu ya Davide, bua kutumbisha nawu Mvidi Mukulu. Mvidi Mukulu wanyi, wewe udi Mukalenga, nemmanyishe bantu buneme buebe, nenkuele tuasakidila kashidi.

Misambu 25:2

Mvidi Mukulu wanyi, ndi ndifila kuudi. Kumfuishi bundu, bena lukuna banyi kabanseki!

Misambu 27:6

Diakamue nkadi mpetula baluishi badi bangela munkatshi. Nendambule Maweja-Nangila milambu, mmuela tunkunduluila, mmuimbila misambu.

Misambu 28:9

Maweja-Nangila, sungidila bantu bebe, ubele lupemba, wikale mulami wabu, ubakube kashidi.

Misambu 35:19

Baluishi bavua banshiminyina malu, kabasanki ne: “Tuamutshimunyi!” Badi bankina kapayi bualu, kabaleji musangelu kuisu.

Misambu 41:11

Kadi wewe Maweja-Nangila, umfuile luse, umpingajile bukole, bua mmone mua kudisombuela, kubanyoka.

Misambu 66:17

Mvua mumubikile bua angambuluishe, meme kumuelelamu tuasakidila.

Misambu 79:10

Bantu benyi badi batukonka ne: “Mvidi Mukulu wabu udi wenza tshinyi?” Kadi bamanye ne: tudi basue kumona muudi usombuela, bua lufu lua bena mudimu bebe.

Misambu 79:4

Tuetu aba, bena mutumba badi batupenda, badi netu pabuipi badi batulembakaja.

Muadi 2:15

Bantu bonsu badi bapitshila muaba ewu, badi bakuma bikashi bua dibutuka diebe. Badi bela bibingu, bakupa mitu, bakuseka wewe, Yerushalayime, bebejangana ne: “Etshi ke tshimenga tshivuabu babikila ne: Mulengele be, kabidi ne: Disanka dia buloba bujima, anyi?”

Dielulula 20:5

Pashishe balombodi ba bena mvita, nebambile bena mvita ne: “Pikala muntu wa munkatshi muenu muase nzubu, kayi muanji kusombamu, apingane kuende. Bualu badi mua kumushipa mu mvita, muntu mukuabu kuvua kuangata nzubu awu.