Misambu 3:8 - MUKANDA WA MYIDI MUKULU

⁸ Maweja-Nangila, juka, Mvidi Mukulu wanyi, unsungidile. Wewe ke udi ututa baluishi banyi ku mbanga, upola menu a bantu babi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Luhandu ludi lufuma kudi Yehowa. Disankisha diebe dikale kudi bantu bebe!

Misambu 3:8 교차 참조

2 Samuele 23:12

Kadi, Shama kuimana munkatshi mua budimi, kuipata bena Peleshete bavua mu budimi amu, kubatshimuna. Ke muwa Maweja-Nangila muambuluishe bena Izrayele, bua batshimune.

Misambu 119:94

Ndi nkulonda, umpandishe, ndi nkeba mikenji yebe.

Misambu 29:11

Maweja-Nangila apeshe bantu bende bukole, abele lupemba, abasombeshe mu bupole.

Misambu 31:16

Diba dionsu, ndi mu bianza biebe. Umpatule mu bianza bia baluishi badi bankengesha.

Misambu 58:7

Mvidi Mukulu wanyi, ubapole menu. Maweja-Nangila, zaza bibanga bia ntambue ayi.

Misambu 72:17

Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Misambu 9:20

Maweja-Nangila juka, muntu kalupitshi bukole! Bikila bisamba bidi bikubenga, ubilumbuluishe.

Nsumuinu 21:31

Badi bavuadika nyama ya tubalu bia kuluangana nabi, bua kuya mu mvita. Kadi anu Maweja-Nangila ke udi utshimuna.

Yeshaya 43:11

Maweja-Nangila, ke meme, ke meme nkayanyi. Meme tshiyiku, kakuena musungidi to.

Yirmeya 3:23

Eyowa, bavua batudinga, tuetu kutendelela mvidie ya bantu ba bisamba bikuabu pa mikuna. Tuetu kuenza mitoyi ya patupu pa mikuna. Kadi, anu wewe Maweja-Nangila Mvidi Mukulu wetu, ke udi mua kutupandisha tuetu bena Izrayele.

Osheya 13:4

Maweja-Nangila udi wamba ne: Nuenu bena Izrayele, katshia nupatuka mu Ejipitu, meme ndi anu Maweja-Nangila Mvidi Mukulu wenu. Kanuena bamanye Mvidi Mukulu mukuabu, anu meme. Kakuena mupandishi mukuabu, anu meme.

Yona 2:9

Badi batendelela nwidie ya dishima, kabena mua kupanda to.

Dibadika 10:35

Pavua bantu bajuka ne mushete wa ndondu, Moshe uvua wela diyi dikole, wamba ne: “Maweja-Nangila, juka, bua bena lukuna bebe bamuangalake, baluishi bebe banyeme!”

Bienzedi 3:26

Mvidi Mukulu mmusungule muntu wende; mmudianze kumutuma kunudi, bua nulekele kulonda njila yenu mibi, nupete diakalenga.

Bienzedi 4:12

Kakuena lupandu kudi munga muntu to. Bualu panu ponsu Mvidi Mukulu kena mupe bantu dina dikuabu didi mua kutusungila.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Ebrewu 6:14

Kuambaye ne: “Ndi nkulaya ne: nenkuele lupemba. Nemvudije ndelanganyi yebe.”

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.

Didimanyisha 19:1

Malu aa mamane kupita, meme kumvua mu diulu meyi makole bu a bantu ba bungi, bamba ne: “Aleluya! Tumbishayi Maweja-Nangila! Lupandu, butumbi ne bukole bidi kudi Mvidi Mukulu wetu!

Didimanyisha 7:10

Bavua bela mbila mikole, bamba ne: “Lupandu luetu ludi lufuma kudi Mvidi Mukulu wetu udi musombe mu nkuasa wa butumbi, ne kudi Muana wa mukoku!”