Misambu 27:4 - MUKANDA WA MYIDI MUKULU

⁴ Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakulomba Yehowa bualu bumuehele, mbuobu bundi ukebakeba: bua meme kushikama mu nsubu wa Yehowa matuku onso a muoyo wanyi, bua kumona buimpe bua Yehowa, ne bua kuelangana meji a malu a mu ntempelo wandi.

Misambu 27:4 교차 참조

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

Misambu 23:6

Eyowa, matuku onsu antshidi ne muoyi, bulenga buebe ne luse nebikale nanyi. Maweja-Nangila, matuku anyi onsu a panu, nembuele amu mu nzubu muebe.

Misambu 26:6

Nengowe bianza, ndeja ne: tshiena ne bualu. Maweja-Nangila, nentendelele, nyungulukile tshilambuilu tshiebe.

Misambu 26:8

Maweja-Nangila, ndi mumanye nzubu uudi musombe, muaba uudi utuleja lumu luebe.

Misambu 27:8

Ndi mvuluka miaku yebe ya ne: “Pingana kundi.” Ke pandi mpingana kuudi wewe, Maweja-Nangila.

Misambu 50:2

Mvidi Mukulu udi umueneka, bamunyungulule kudi bukenke, mu Siyone, tshimenga tshipite buimpe.

Misambu 65:4

nansha bobu benza bibi bipite. Bubi buetu budi butunemenena bujitu. Amu wewe ke udi mua kubujimija.

Misambu 84:10

Eyi, Mvidi Mukulu, mukalenga wetu ne ngabu wetu, akidila muntu webe uudi mujidile.

Misambu 84:4

Nansha mushamusha mmupete muaba wa kuikishila, ne kandindi nkapete disua bua kuteka bana baku, pabuipi ne bilambuilu biebe wewe Maweja-Nangila, wa bukole bonsu, mukalenga wanyi ne Mvidi Mukulu wanyi.

Misambu 90:17

Maweja-Nangila, Mvidi Mukulu wetu, utuleje muudi umvuangana netu, ufile bipeta bimpe ku midimu yetu.

Yirmeya 29:13

Nuenu bankebe ne muoyi wenu mujima, nenumpete, nennupingaje muenu.

Danyele 9:3

Meme kujila biakudia, kuvuala bilamba bikayapale, kudilaba butu. Meme kutangila kudi Maweja-Nangila Mvidi Mukulu, bua kumutendelela ne kumusengelela.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Luke 10:42

Kadi kudi bualu bumuepele bunudi nukengela. Mariya mmusungule tshidi tshipite buimpe, tshidibu kabayi mua kumunyenga.

Luke 13:24

Enzayi muenu muonsu bua nubuele ku tshiibi tshibulakane. Bualu ndi nnujadikila ne: bantu ba bungi nebakebe kubuela, kadi kabakubuela to.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 2:37

Pashishe kushalaye mukamba. Tshikondu atshi uvua mukumbaje bidimu makumi muanda mukulu ne binayi. Uvua ukuatshila Mvidi mukulu mudimu bufuku ne munya, kayi umuka mu nzubu wende. Uvua ujila biakudia, utendelela Mvidi Mukulu.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Filipe 3:13

Bana hetu, tshiena musue kuamba ne: nkadi mupete nsala wa kalumbandi ewu to. Kadi ndi ngenza amu bualu bumue: malu onsu a kale, ndi ngapua muoyi, ngobokela bidi kumpala kuanyi.

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

1 Samuele 1:11

Kumpu muoyi, umfuile luse! Umpesheku muana wa balume. Ndi nditshipa bua kumufila ku mudimu webe kashidi. Kabena mua kumubeya too ne kashidi.”

1 Samuele 22:10

Mutuangaji Akimeleke kukonka Maweja-Nangila bua kumanya tshivua Davide ne bua kuenza. Pashishe kupeshaye Davide biakudia, kumupesha kabidi ne muela wa Ngoliyate, muena Peleshete.

1 Samuele 30:8

Davide kukonka Maweja-Nangila ne: — Meme mulondakaje bivi aba, nembapete anyi? Maweja-Nangila kuitaba ne: — Eyowa, balondakaja, neubapete. Neusungidile bantu badibu bakuata.