Misambu 23:6 - MUKANDA WA MYIDI MUKULU

⁶ Eyowa, matuku onsu antshidi ne muoyi, bulenga buebe ne luse nebikale nanyi. Maweja-Nangila, matuku anyi onsu a panu, nembuele amu mu nzubu muebe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bulelela, buimpe ne luse nebindonde matuku onso a muoyo wanyi; nengikale mu nsubu wa Yehowa tshiendelele.

Misambu 23:6 교차 참조

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Misambu 21:4

Udi mumuele lupemba, mumuase nsala wa lumu.

Misambu 27:4

Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

2 Korente 1:10

Yeye ke uvua mutusungidile ku njiwu mikole ya lufu ayi. Neansungidile ku mikuabu kabidi. Eyowa, tudi bamutekemene ne: neansungidile ku mikuabu.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

Filipe 1:23

Badi bankoka eku ne eku: luseke ndi musue kushiya panu, bua kuikala ne Kristu. Ke bivua mua kuikala bipite buimpe.

2 Timote 4:18

Mfumu neansungidile ku malu mabi onsu. Neambueje buludi mu Bukalenga buende bua mu diulu. Butumbi buikale kudi Mfumu kashidi! Amene.