Misambu 23:4 - MUKANDA WA MYIDI MUKULU

⁴ Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nansha bingenda muhitshile mu luhongo lua mundidimbi wa lufu, tshiena ntshina bualu bubi; bualu bua wewe udi nʼanyi; tshibongo tshiebe ne tshibangu tshiebe bidi binsamba.

Misambu 23:4 교차 참조

Yobe 24:17

Bonsu aba badi batshisha ne miidima. Bualu mbibidilangane amu ne miidima ya butuku.

Yobe 3:5

Miidima mikole idikuate! Divuba difike didibuikile! Ngondu ajimije nsese ya diba, akuatshishe bantu bowa.

Misambu 110:2

Maweja-Nangila neafikishe bukokeshi buebe too ne kule, kubangila ku nzubu wa Mvidi Mukulu wa mu Siyone. Wewe ukokeshe baluishi badi bakunyungulukile.

Misambu 118:6

Maweja-Nangila udi nanyi, tshiena ntshina tshintu. Bantu nebangenze tshinyi?

Misambu 138:7

Pandi meme nsomba mu dikenga, neundame ne muoyi nansha mudi baluishi banyi bamfikila munda, neolole tshianza tshiebe tshia bukole tshimpandishe.

Misambu 14:5

Kadi diakamue nebakuatshike bowa, bualu Maweja-Nangila neafike bua kuambuluisha bende.

Misambu 3:6

Butuku ndi ndala amu bilenga, bualu udi undama too ne mundi mbika dinda.

Misambu 44:19

Katuena nansha bakubenge, katuena bapambuke mu njila webe.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Mika 7:14

Maweja-Nangila, lombola bantu bebe ne dikombu diebe dia bulami. Badi basomba pa nkayabu, mu buloba budibu kabayi mua kudima, munkatshi mua madimi mimpe adi ku mpenga. Bu muuvua muenze kale, utufikishe mu mpata mimpe ya Bashane, ne mu ditunga dia Ngilaade.

Zekâya 11:10

Meme kuangata dikombu dimvua muinyike dina ne: bulunda, kuditshibula, bua kuupula ndondu uvua Maweja-Nangila mutue ne bisamba bionsu.

Zekâya 11:14

Pashishe meme kutshibula dikombu dibidi dimvua muinyike dina dia ne: bobumue, bua kushipa buena muntu pankatshi pa bena Yuda ne bena Izrayele.

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Luke 1:79

Butoke abu nebutokeshe badi mu miidima ne mu dijimba dia lufu, nebuludike makasa etu mu njila wa bupole.

2 Timote 4:22

Mfumu ikale nebe. Dinanga dia Mvidi Mukulu dishindame munda muenu.